(TMZ) – Travis Scott ta entre varios persona incluyendo Live Nation, Scoremore Holdings y ASM Global kendenan ta ser demanda di parti di un muhe cu ta bisa cu el a sufri heridanan asina severo na Astroworld cu el a perde su embaraso.
Shanazia Williamson a bisa cu el a atende Astroworld den November, y a ser trapa durante e incidente cu e audiencia y a haya herida na su schouder, lomba, pecho, pia, stoma y otro partinan di su curpa.
Den e demanda obteni pa TMZ, Williamson a bisa cu e acusadonan su “falta di planificacion, diseña, maneha, opera, contrata y supervisa e evento tabata un causa directo di e heridanan cu su persona a sufri, y e perdida di su persona y su pareha Jarawd su yiu.”
Shanazia a entrega un demanda prome pa herida cu el a haya na e festival dia 21 di november, cual a inclui “problema di respiracion, dolor di pecho, dolor di pia y herida den otro partinan di su curpa.” Den e demanda aki actualisa, entrega un luna y mey despues di e tragedia, Shanazia a demanda pa morto eroneo. Interesante ta cu ley di Texas ta bisa cu un feto cu fayece pa causa di negligencia por bira base di un demanda pa morto eroneo. E no ta importa con avansa e embaraso tabata. E por ta un feto cu no a crece hopi ainda, pero e mayornan por demanda pa morto eroneo.
Tambe ta interesante cu el a cambia e demanda pa bisa cu el a haya herida na su stoma, cual den e keho no ta specifica con avansa su embaraso tabata.
Manera ta conoci, 10 persona a fayece como resultado di heridanan obteni na Astroworld. Travils y su ekipo ta mantene cu nan no tabata altanto di con severo e situacion cu a tuma luga tabata den e audiencia, y otronan a señala faltanan grandi den e siguridad y personal di seguridad di parti di e organisadornan di e evento.
