Den un estudio nobo, investigadonan di e instituto non-profit pa investigacion “Beneath the Waves (BTW)” (Bou di Ola) a documenta y a desvela nivelnan alarmante halto di 12 metal pisa, incluso kuek, den tehido di musculo di muestranan di tribon grandi di tribon di ref y di tintorero cu a captura den area di Bahamas.

Publica den Scientific Reports, e datonan nobo ta implica informacion importante pa salu di hende den e region di Gran Caribe, unda hende ta come tribon ainda de bes en cuando, maske cu esaki ta fuertemente prohibi na diferente isla, incluso na e Yarari Santuario (Boneiru, Saba, Statia) y na St. Maarten.

Den curso di e ultimo siglo, actividadnan di hende a causa aceleracion rapido di fluho di entrada di metalnan y semi metalnan den e medio ambiente marino, creando riesgonan potencial pa biodiversidat y siguridad di cuminda. E investigacion ta basa riba estudio di tehido for di musculo di 36 diferente tribon di seis especie di tribon. E resultadonan di e estudio aki ta presenta e prome prueba di concentracion di metal den curpa di tribon for di muestra cu a tuma na Bahamas, cu ta un ecosistema relativamente limpi caminda tribon ta biba liber di peliger den un area marino bou di proteccion. Na Bahamas hende generalmente no ta come tribon.

Como top comedo di otro bestia, tribonnan biologicamente ta acumula materia toxico den nan curpa dor di come esaki den nan comemento di otro pisca. Mientras cu e impacto riba salu di tribon mes ta keda desconoci, e concentracion di metalnan cu e estudio actual a midi ta alarmante como cu nan ta surpasa e nivelnan cu ta considera como toxico pa hende por consumi. E estudio a saca afo tambe cu tribon di ref, cu ta e especie cu ta mas residente (cu su sede eynan), tabatin nivelnan mas halto di kuek cu e tribonnan tintorero, y cu e nivel di kuek cerca tribon di ref tabata aumenta segun nan ta mas adulto y a crece bira mas grandi.

Comprendemento di e manera con hende ta afecta e bida di tribon ta importante pa e intentonan di conservacion di e especienan aki, cu ta ecologicamente y economicamente importante, Dr. Oliver Shipley ta splica. E ta e autor na cabes di e estudio aki, y ta e persona cu ta planifica y ehecuta e estudio y ta tambe un investigado post doctora na “Beneath the Waves” y na e Universidad di New Mexico. “Haciendo investigacion den areanan manera Bahamas caminda abundancia di tribon ta relativamente stabiel y saludabel como efecto di proteccion pa tempo largo, ta un aspecto importante pa nos por a realisa e investigacionnan basico aki. Si e nivelnan ta halto na Bahamas, bo por imagina bo con nan lo por ta, na otro partinan di mundo caminda durabilidad y conservacion di medio ambiente no ta un prioridad.”

E estudio aki ta subraya e beneficionan di e santuario di tribon na Bahamas pa realisa estudionan basico importante tocante salubridad di nos recursonan marino,” Eric Carey ta menciona, kende ta Director Ehecutivo di Bahamas Nacional Trust. “Esaki ta enfatisa tambe e necesidad pa intentonan di conservacion duradero regionalmente, cu ta importante pa e economia y salubridad di ref di Bahamas” el a agrega.

Mientras investigadonan ta studiando e necesidad pa mas estudio pa por comprende e rutanan cu ta conduci finalmente na e manera cu e metalnan aki finalmente ta drenta e red di cuminda marino, e riesgonan pa salubridad humano cu indigestion di metalnan pisa ora ta come especienan di tribon Caribense a bira cla.

Piscamento di tribon no ta bini hopi dilanti den e region di Gran Caribe, pero consumo di tribon por ta importante culturalmente pa algun nacion Caribense,” e ko-outor Dr. Austin Gallagher ta menciona. E ta Hefe Cientifico na “Beneath the Waves” y co-fundador di “The Caribbean Shark Coalition”. “Pero cu e demanda fuerte pa producto di tribon mundialmente, esaki ta un otro pida prueba pa kita hende di consumi tribon,” e ta agrega.

Hende y oseano ta mara detayadamente y di forma complica na otro, anto e estudio aki ta enfatisa e nocion cu ciencia por y mester guia decisionnan cu por drecha salubridad di oseano y di hende.

LEAVE A REPLY

Please enter your comment!
Please enter your name here