Cu un aplicacion completamente prepara ricibi, y 15 ainda den preparacion, e respuesta di e poblacion local pa inverti den e iniciativa nobo di gobierno a keda declara como satisfactorio pa e Autoridad di Licencia di Cannabis Medicinal di Barbados (BMCLA pa su siglanan na Ingles).

CEO di BMCLA, Dr. Shantal Munro-Knight, a duna un update riba e status di aplicacion pa licencia durante un conferencia di prensa virtual.

Esaki ta yega despues cu BMCLA oficialmente a duna apertura na e Industria di Cannabis Medicinal dialuna dia 18 di januari ultimo, poniendo aplicacionnan disponibel pa personanan local, regional y internacional.

Expresando satisfaccion cu e respuesta te awo, Munro-Knight a bisa: “Nos tin aproximadamente 15 aplicacion den draft y un aplicacion completo entrega. Nos ta hopi contento cu e prome aplicacion completo entrega ta pa un Licencia di Cultivacion Categoria 1, como tambe pa Licencia di Importacion.”

Complaci cu un agricultor local a aplica pa dos licencia, el a agrega: “Loke pa nos ta hopi bon ta, bo sa, e sugerencia cu actornan chikito no lo ta capaz di drenta den e mercado y no lo ta interesa pa e retonan cu cifranan, pero e prome licencia cu nos tin entrega completamente ta pa un aplicante Categoria 1 cu a aplica pa dos licencia.”

Mientras cu e CEO no a bay den mucho detaye riba e otro 15 aplicacion, a nota cu por modifica esakinan pasobra hende por cambia di opinion of e detayenan, pero tin cobertura pa e mayoria di licencia cu e BMCLA tabatin disponibel.

Munro-Knight a revela cu di e ocho categoria haya den brochure di BMCLA, seis a haya aplicacion segun esnan den draft y e aplicacion completo entrega.

Notando cu ainda no a yena e categorianan di Licencia di Laboratorio y Licencia di Procesador, el a bisa cu e organisacion ta keda ‘confia’ cu lo yena esakinan.

LEAVE A REPLY

Please enter your comment!
Please enter your name here