(AFP)—Tribunal Disciplinario Regional pa Cuido di Salud na Amsterdam a determina cu un ciruhano plastico a mustra comportamento inapropia despues di insulta su asistente quirurgico y yam’e un “burico,” RTL a reporta.
E incidente a tuma lugar dia 8 di juli 2025, ora e ciruhano y asistente tabata trahando hunto durante un procedemento di liposuccion. Segun a reporta, e operacion tabata na riesgo di dura mas cu lo tabata planifica, y e asistente a propone pa yama coleganan pa informa nan. E ciruhano a bisa cu e no a mira esaki como necesario, pero e asistente a haci e yamada di tur forma.
Despues di esey, e ciruhano a cuminsa mustra rabia contra e asistente. Segun NU.nl, un miembro di personal di anestesia den sala di operacion a graba e interaccion, unda e video supuestamente ta mustra e ciruhano gritando contra e asistente.
Segun reporta, e ciruhano a exigi cu el a sali di e sala di operacion: “Mi a pidi dies biaha. Bo no ta un burico, toch?” E imagennan tambe ta mustr’e señalando cu rabia den direccion di porta.
E miembro di personal di anestesia cu a presencia e incidente a declara bao huramento cu el a keda hopi sorprendi pa e abuso verbal. El a bisa cu e incidente tabatin un impacto grandi riba su trabao; despues e tabata menos alerta y menos amistoso cu pashentnan.
E asistente a presenta un keho na Tribunal Disciplinario Regional pa Cuido di Salud na Amsterdam, cual a dicta na su fabor y a impone un castigo cu lo ser publica pa otro proveedor di cuido di salud por siña di e decision.
