Mientras gobierno ta bisa cu nan no sa ainda kico ta e composicion di e tarballs y patches di azeta riba nos beachnan, ya for di 25 di april minister di Energia di Trinidad a publica e composicion den un relato di prensa.

Ta trata di RGM 380 centistokes Fuel Oil cu a lek for di un tanki di e refineria Petrotrin na Trinidad y Tobago. Segun e relato aki nan a preveni cu mayoria di e azeta a lek den lama. Sinembargo nan ta calcula cu mas o menos 300 bari di e azeta a lek den lama. E relato tambe ta bisa cu nan a observa cu e azeta tabata rainbow sheen, metallic/grey sheen and black. Nan ta papia cu mayoria di e area ta contamina cu e metallic/grey sheen. E ministerio di Energia tambe a emiti un relato riba 30 april cu ta bisa cu autoridadnan Venezolano a detecta azeta den awa riba 27 di april y cu riba 30 di april el a yega costa direccion oost, cerca di Guiria.

Segun un experto e cantidad di 300 bari no ta trata di un derame grandi. E ta calcula cu esaki ta 47.700 liter of por papia di 47,7 meter cubico di contaminacion. Cual den e lama grandi entre Trinidad y Venezuela, Boneiro, Corsou y Aruba no mester duna un impacto i cu ta mustra te awor. E ta puntra su mes dicon e derame relativo chikito aki tin un impacto asina grandi.
Bon Dia Aruba lo sigui riba e topico aki pa haya mas informacion.