Yiu homber di presidente di Merca a admiti di a reuni cu un abogado di Rusia aña pasa kende a bisa cu lo dun’e informacion riba Hillary Clinton. Pero Donald Trump Jr a insisti cu Natalia Veselnitskaya no a brinda ningun informacion cu lo perhudica e posicion di Clinton den e eleccion.
Autoridadnan ta keto bay investigando si ta asina cu Rusia berdad a interveni cu eleccion Mericano. E reunion aki entre e abogado di Rusia y Trump Jr a tuma luga riba 9 di juni 2016 den Trump Tower na New Tork. Esaki tabata netamente dos siman despues cu Donald Trump a segura e nominacion Republicano. Esaki tabata e prome reunion priva confirma entre un nacional di Rusia y un miembro di e circulo priva di Presidente Trump.
