Presidente Mericano, Donald Trump a atende un reunion di lider di NATO cu obhetivo pa insulta Presidente Frances, Emmanuel Macron. El a cuminsa su prome di dos dia na e conferencia criticando Macron fuertemente.

Prome cu e reunion cu Macron, Trump a ataca a presidente pa motibo cu el a duna comentario ‘hopi desagradabel’. “No por haci declaracion manera NATO. E ta un falta di respet.”

Oranan despues di declaracion di Trump, Macron y Trump a sinta hunto pa un reunion individual. Macron a bisa cu ta para tras di su comentario tocante salud di e aliansa di NATO. Tambe el a expresa su frustracion pa motibo cu Trump a retira centenares di tropa Mericano for di Siria na october.

E decision di Trump, tuma sin consulta aliadonan di NATO, a duna Turkia y otro miembro di NATO un luz berde pa lansa operacion contra forsanan Kurdo di Siria, kendenan a hunga un rol clave den e lucha pa elimina for di Siria un cantidad grandi di Estado Islamico.

Trump y Macron tin un relacion turbulento den e casi tres aña cu Trump ta den su cargo. Pero e relacion ta bou presion nobo despues cu Trump a retira forsanan Mericano for di Siria sin coordina cu Francia y otro aliadonan di NATO.

Mientras nan a contesta pregunta di reportero, e diferencia entre nan a bira mas aparente, mientras Trump y Macron a discuti nan preocupacion pa e plan di Turkia di cumpra un sistema antiaereo di Rusia.

Macron a bisa cu tin un desconexion ora di permiti Turkia pa cumpra un sistema di misil antiaereo S-400 for di Rusia Rusia y alabes ta miembro di NATO. Trump a bisa cu ta considerando emiti sancion contra Ankara si ta sigui cu plan pa cumpra e arma.

“Sorry pa bisa pero nos no tin e mesun definicion di terorismo riba mesa”, Macron a bisa di Turkia. Trump a mustra un medida di deferencia pa Erdogan, notando cu Turkia ‘a yuda hopi’ durante un accion di comando special Mericano cu a conduci na morto di lider di Estado Islamico, Abu Bakr al-Baghdadi cerca di e frontera Sirio-Turco. Pero hasta ora e tabata gaba su relacion cu lidernan di NATO, Trump a critica Macron pa su comentarionan recien, cu NATO tabata experimentando ‘morto cerebral’.

Macron ta argumenta cu Merca bou di liderazgo di Trump ta alehando di e aliansa. “Niun hende mester mas di NATO cu Francia”, Trump a bisa. E mes a yega di cuestiona e prospectonan a largo plaso di NATO den pasado, argumentando cu masha tiki nacionnan miembro ta ‘on track’ pa alcansa e meta di e aliansa, di gasta sikiera 2% di GDP riba nan propio defensa pa 2024. “Bo no por djis bay duna declaracion asina contra NATO. Ta hopi falta di respet”, Trump a bisa.

LEAVE A REPLY

Please enter your comment!
Please enter your name here