TWICE, un grupo di Kpop popular, conoci pa su letranan infeccioso y estetica colorido, a lansa nan segundo album completo, un coleccion cu ta invita e oyente den e banda mas atrevido di e grupo.

“Eyes Wide Open”, lansa dialuna, ta conta cu 13 cantica, incluyendo e single ‘I Can’t Stop Me’.

E grupo femenino, cu a debuta na 2015 logrando exito na tanto Hapon como Sur Korea, a sinta cu AP prome cu e lansamento pa papia tocante e proyecto.

Nayeon, un di e nuebe integrante di e grupo, a bisa cu ‘I Can’t Stop Me’ tin un zonido ‘retro’, cu letranan tocante ‘no ta capaz di controla nos mes y crusa e linea’.

E cantica ta mira TWICE explorando e linea entre bon y malo, revelando un banda mas atrevido di e grupo – algo diferente cu nan estilo feliz y colorido.

Contestando ki limitenan nan no lo crusa den nan bida personal, e grupo – cu tin miembronan Hapones, Sur Koreano y Taiwanes, tur den nan 20 aña di edad – no a elabora. “Esey ta un pregunta dificil!”, Jihyo a bisa hariendo.

Gruponan di Kpop manera TWICE ta celebra pa nan movementonan di baile sincronisa y estetica perfecto, hopi biaha soportando añanan di training na caminda pa bira un strea. E demanda pa perfeccion nunca ta termina – no dunando espacio pa erornan, sea riba di escenario of den bida.

Sana a bisa cu balansa un schedule druk cu perfeccion riba escenario no ta facil durante inicio di TWICE. “Nos tabatin asina hopi luga unda nos mester a presenta, pero nos tabatin tiki tempo pa prepara”, el a bisa. “Tabatin hopi momento unda nos a practica pa tres ora dos biaha pa dia y subi escenario mesora. Pues prepara y mester duna presentacion dilanti hopi hende den un tempo asina pura tabata dificil pa nos.”

El a agrega: “Nos por a haci miho y nos tabata kier haci miho Tabata dificil pa pasa den momentonan cu nos no tabatin control.”

Pero cu mita decada di experiencia bao di nan, e grupo awo tin mas espacio. “Nos no ta purba demasiado pa ta perfecto”, segun Tzuyu, e cantante Taiwanes den e grupo. “Mi ta kere mi ta purba di disfruta e momento na luga di ta asina critico cu mi mes.”

Mientras Kpop ta birando global danki na gruponan manera BTS y Blackpink, TWICE tin bista riba mercado Mericano, cu plan pa lansa canticanan na Ingles den futuro cercano.

LEAVE A REPLY

Please enter your comment!
Please enter your name here