(AFP) – Ucrania y Rusia a acusa otro di varios atake contra civilnan diadomingo, e di dos dia di loke mester tabata un tregua di tres dia ordena pa presidente Mericano, Donald Trump.
Trump a anuncia e stop di combate diabierna, bisando cu e dos banda a bay di acuerdo pa stop tur guera “kinetico” pa un periodo di tres dia cuminsando diasabra.
A pesar di un pausa den atake aereo, ambos banda a reporta multiple casualidad civil.
Atake Ruso riba oriente di Ucrania a herida al menos nuebe persona, mientras atake Ucraniano contra region fronteriso di Belgorod na Rusia a herida otro cuatro, oficialnan di ambos banda a bisa.
Den region Dnipropetrovsk den oriente di Ucrania, atake cu drone Ruso a herida un mucha muhe di tres aña y un trahador di rescate di 23 aña, segun gobernador di e region, Oleksandr Ganzha a bisa.
“E trahadornan di rescate tabata na caminda pa e pueblo di Myrivska pa asisti residentenan local na momento cu nan vehiculo di bombero y rescate a keda ataca pa un drone enemigo,” el a bisa.
Atake Ruso contra e region sur di Kherson a herida cuatro persona, incluyendo un hoben di 19 aña y un trahador di conseho di ciudad di 53 aña di edad, segun autoridadnan, mientras gobernador di region bisiña Mykolaiv a reporta dos herido den un atake di drone contra un auto civil.
Un drone Ruso tambe a herida un homber den region sur di Zaporizhzhia, gobernador di e region a bisa.
Den region Ruso di Belgorod, atake Ucraniano a herida cuatro persona incluyendo un guardia di frontera, segun gobernador di e region, Vyacheslav Gladkov a bisa.
Ambos banda tambe a acusa otro di viola e acuerdo pa stop combate na e linea frontal.
Ministerio di Defensa Ruso diadomingo a acusa Ucrania di “16.071 violacion di acuerdo pa stop combate” durante un periodo di 24 ora, incluyendo miles di atake cu drone.
Presidente Ucraniano, Volodymyr Zelensky mientras tanto a acusa Rusia di ehecuta operacion di atake riba campo di bataya.
“Den linea frontal, ehercito Ruso no ta cumpliendo cu e acuerdo pa stop combate y no ta ni purbando,” el a bisa den su discurso di anochi.
Desde e invasion Ruso na 2022, e guera na Ucrania a mata ciemiles di persona y a descende den e guera mas mortal na Europa desde Segundo Guera Mundial.
Negociacionnan media pa Merca pa termina cu e bataya a mustra tiki progreso desde februari, tempo cu Washington a cambia su enfoke pa e guera na Iran.
Trump a anuncia diabierna cu e dos banda lo intercambia mil prisonero di guera cada un, pero no tabata cla diadomingo na ki momento esaki lo materialisa.
“Nos ta spera e banda Mericano pa ta activo den sigura implementacion di e acuerdonan aki,” Zelensky a bisa.
