Tabata tin un tiramento diahuebs anochi na avenida Champs Elysees na Paris anto un oficial di polis a perde su bida, otro oficial ta seriamente herida. E avenida ta completamente cera y autoridadnan ta bisando hende pa evita e area. E sospechoso cu a tira ta morto despues di un tiramento pisa cu polis, segun informacion di prensa di Paris. Tur esaki pasando awo na e pais cu ta yegando cerca di su eleccion general. Esaki ta un noticia cu ta ainda den desaroyo.
