grafiti 2.jpg

Awe e dia a habri cu mensahenan skirbi riba diferente muraya entre otro di scolnan. E Mensahenan aki a wordo haci door di e meneer Richi Danies kende ta buscando oido den un situacion di abuso sexual contra dos yiu muhe di dje. E ta bezig cu e caso aki pa mas di un aña y a manda informacion na Tele Aruba, Voogdijraad, Psicologo y Bureau Sostenemi y polis entre otro sin un hende atende cu su caso.

E persona acusa di a comete e actonan aki contra di su yiunan ta Juancho Tromp. Un nomber cu e tata a spuit riba muraya di diferente edificio. E meneer aki a actua den forma desespera y a cuminsa spuit e murayanan aki cual ta algo castigabel, pero e ta haya ta eroneo cu e hecho cu el a spuit e murayanan ta haya mas atencion cu locual cu a causa e acto aki. “Desde un aña pasa mi a haci diferente acto di vandalismo incluso a ataca e meneer. Nunca ningun polis a acercami pa papia cumi y mucho menos detene mi. Awo ta papia cu kier detene mi pa a pinta riba e cabay blauw.” El a destrui cantidad di edificio incluyendo cas di e persona acusa di a comete e acto sin ningun consecuencia pasobra ningun hende nunca a buske. E ultimo actonan cu el a comete a tuma luga diamars marduga pa mas o menos 1or en adelante den areanan cu tin camara. El a bisa cu e lo entrega su mes na polis y e kier wordo deteni pa wak si e ta haya atencion porfin den su caso.

Bon Dia Aruba a puntra vocero di polis kico e sa di e caso aki, pa cual el a bisa cu e no tin ningun informacion. Den nos proximo edicion lo tin mas informacion di e entrevista cu Sr. Danies.

LEAVE A REPLY

Please enter your comment!
Please enter your name here