USA: E-cigarette ta explota den cara y mata e persona

Un homber na Texas a fayece di un explosion di un ‘e-cigarette’ cu a destrui su arteria mayor di su nek.

Oficina di ‘Medical Examiner’ di Tarrant County a bisa cu William Brown a fayece na hospital di Fort Worth dia 29 di januari. E certificado di fayecimento ta bisa cu el a muri di infarto cerebral despues cu partinan di e ‘vape pen’ cu e tabata usa a corta su ader.

E explosion a tuma luga dia 27 di januari, den e parking lot di un tienda cu ta bende articulo di humamento y di ‘vaping’. E manager di Smoke and Vape DZ a conta prensa cu el a yama ambulance despues di e explosion. Brown a drenta den e tienda pa pidi ayudo cu su vape pen, pero no a cumpra nada, segun e manager. E tienda no tabata bende e marca di pen cu e tabata usa.

Brown a ser hiba hospital cu urgencia y x-ray a mustra cu parti di e artefacto tabata pega den su garganta. “E cos di tres parti ey a bay den su garganta y a keda ey,” su wela Alice Brown a conta prensa.

E-cigarette y ‘vape pen’ ta artefacto opera pa un bateria cu ta keinta un likido pa crea un aerosol cu bo por inhala manera huma di sigaria. E likido normalmente ta contene nicotina y por tin sabor añadi, segun Centres for Disease Control and Prevention (CDC).

Tabatin 195 caso separa di e-cigarette cu a pega candela o a explota na Merca reporta pa medionan entre 2009 y 2016, segun un informe di US Fire Administration.

Na mei ultimo, un homber na St. Petersburg, Florida, a muri a consecuencia di un explosion di e-cigarette y cu a manda un parti den su cerebro.

 

You May Also Like

Boneiro referendum

Boneiro a bisa no; politico na Hulanda no kier saca conclusion ainda

Diabierna mayoria (65%) di e pueblo Boneriano a vota no den e referendum riba ...

Aerolinea ta busca pa cancela pedido di 49 Boeing max 8

INDONESIA – Garuda Indonesia ta e compania, nan ta busca pa cancela un orden ...

94568d94993d6f363911feeb0576e740.jpg

Australia a perde nan compas moral

Australia ta casi perde nan compas moral riba asuntonan di refugio anto New Zealand ...

Edificio na candela ta laga 7 morto

BANGLADESH – Riba diahuebs, un candela na un edifIcio cu oficina di varios piso ...

Google mester paga un multa di 2.7 biyon Euro

Google mester paga un multa di 2.7 biyon Euro na Comision Europeo despues cu ...

Uber ta bira oficialmente un compania di transporte segun corte

Uber ta bira oficialmente un compania di transporte y no mas un servicio digital, ...