Diamars den oranan di mainta e cargacion di vacuna pa e islanan Hulandes den Caribe a keda poni riba e vuelo di KLM. E cargacion aki ta pa tur e islanan Hulandes y tur ta haya e vacuna na mesun momento pa nan por cuminsa duna e vacuna aki na nan pais.
Secretario di Estado Paul Blokhuis hunto cu presidente y director di KLM Pieter Elbers tabata na aeropuerto di Schiphol ayera mainta na momento cu a subi e vacunanan abordo di KLM.
Segun nan a splica, e vacunanan ta empaketa den “dry ice”, cu ta permiti keda na bon temperatura pa varios dia basta nan keda den un ambiente di +2 te cu +25 grado celsius.
Isla Riba ta cuminsa cu nan plan di vacunacion dianan 22 di februari awor. Aruba probablemente ta cuminsa e siman aki mes.
Segun schedule, e vuelo for di Amsterdam a yega Aruba pa 5.45 di ayera tardi.
