Presidente di Fedecamaras, Ricardo Cussano, a splica cu e “capacidad di compra ta pasa via algo mas compleho cu aumenta salario so, necesario pero inutil si e no ta bin acompaña pa incentivo pa produccion, entorno di competitividad, direccion di e politica publico dirigi na genera confianza”.

Pa Cussano, ta esencial “seguridad huridico, sustentabilidad y stabilidad di e politica a traves di tempo. Inversion cu e pais ta requeri no ta di retorno (di beneficio) a corto plazo; e modelo economico (…) no mester cambia segun e momento politico. Y e entorno laboral ta requeri un cuadro regulatorio cu ta promove productividad, construyendo bienestar social riba e base di oportunidad y no riba imposicion di utopia cu no ta resolve e problema di e calidad di bida di e ciudadania.”

“Pa logra e tan anhela poder adquisitivo, mester bira e circulo vicioso y nos mester drenta den uno virtuoso y pa esey nos mester consenso politico pa diseña e modelo economico ey, sensatez den e rol di cada actor cu ta conforma e quehacer diario di e nacion,” Cussano a agrega. Ademas ta necesario, segun Cussano, no mester ta popular si ta trata di logra meta pa e pais.

Mientras e pais ta bay mas y mas den direccion di dolarisacion, cu hasta ATM disponible e siman aki cu ta entrega dollar, e hiperinflacion no ta para, cu e dollar paralelo na mas di 535.000 bolivar, mientras cu dollar oficial na Banco Central ta na 519.000. Salario minimo ta na 1.000.000 bolivar, mas 1.555.000 bolivar di e ‘cesta ticket’. Na e actual tasa oficial e total di salario minimo y aportacion alimentario apenas ta yega na 3 dollar pa luna.