(LaPatilla) – Director di Centro di Documentacion y Analisis (Cendas), Oscar Meza, a informa ayera cu e canasta basico na Venezuela ta na US$700,33, loke ta significa cu cada famia mester dispone di 23 dollar pa dia pa yega na e canasta.

Den un entrevista Meza a splica cu e canasta alimentario di maart tabatin un valor di $322,57 o mas di 612 miyon bolivar. Loke ta implica obtene $10,56 diario o 340,50 salario minimo di un miyon 800 bolivar pa por cumpra e alimentonan ey. Gran parti di hogar na e pais no ta yega ni na un fraccion di e suma ey. Den e sentido ey, e director di Cendas a resalta cu e sueldo minimo na Venezuela “a keda pulveriza,” ya cu inflacion ta trasladando pa dollar,” y ta produciendo aumento di prijs den divisa.

“Tur hende cu tin un empleo formal, mester haci algo mas. Hende ta bendiendo loke sea y explotando cualkier habilidad. Pesey e lockdown ta afecta hende hopi, pasobra hende tin cu sali na caya pa mira con ta resolve nan dia pa dia,” el a comenta tocante e situacion di pandemia.

Mas y mas ta ofrece producto na dollar. E dollar ta converti den un moneda mas facil di maneha y ta mas facil na momento di haci calculo. Mayoria di e comercionan formal y informal tin nan prijsnan na dollar,” el a agrega.

Tasa di cambio na Venezuela actualmente a yega na 2,5 miyon bolivar pa un dollar. Esaki riba su mes ta haci e uso di bolivar un ehercicio casi irelevante, unda mester un cantidad grandi di biyete hasta pa transaccion chikito.

LEAVE A REPLY

Please enter your comment!
Please enter your name here