Partido politico Primero Justicia a revela datonan di nan “Encuesta del Hambre”, unda cu e cifranan ta indica un caida significativo di e consumo di alimento di e Venezolanonan entre januari y october 2020.

Segun e encuesta, 74% di e hogarnan di e parroquianan cu ta conforma municipio Libertador na  Caracas ta refleha un caida di consumo di alimento, en especial e consumo di dos fuente di proteina fundamental, cu ta carni (di baca) y galiña, cual consumo a baha entre januari y october 2020.

Di otro banda, a duna di conoce cu 82,3% di e hogarnan encuesta ta bisa cu nan entrada ta resulta insuficiente pa por cumpra e alimentonan fundamental pa consumo di nan grupo familiar.

49% di e hogarnan encuesta a manifesta cu ta prepara dos cuminda pa dia, mientras cu 46% a bisa di ta come tres biaha pa dia. 4,4% a bisa cu ta haci un cuminda so pa dia. Esaki ta indica un grado importante di subalimentacion.

Den otro noticia, pensionadonan di empresa estatal Pdvsa ultimamente ta protestando publicamente pa e situacion critico cu nan ta enfrenta. Actualmente e pension ta na 400.000 bolivar, cu ta menos cu un dollar. Di e Fondo di Pension e pensionadonan lo mester a haya 660 dollar pa luna, pero apenas nan ta haya 400.000 bolivar. E hiperinflacion fuerte di ultimo añanan a caba cu loke un tempo tabata e mihor pensionnan di e pais. E pensionadonan ta reclama nan fondo di pension cu e regimen a elimina na 2014. E pensionadonan di Pdvsa ta reclama ademas rescate di e seguro Sicoprosa (Sistema Contributivo paProteccion di Salud), e sistema di salud integral y demas beneficio cu a perde.

LEAVE A REPLY

Please enter your comment!
Please enter your name here