Presidente interino di Venezuela, y di Asamblea Nacional, Juan Guaido, a logra consolida unidad entre mayoria di e partido y agrupacionnan democratico di e pais, pa sigui lucha pa regimen di Nicolas Maduro bandona poder y pa por tin eleccion liber, rechasando eleccion organisa pa Maduro.

Un lista di 37 organisacion a keda presenta, bao di nan e partidonan principal di oposicion manera Copei, Accion Democratica (AD), Primero Justicia, Voluntad Popular y UNT.
“Nos a yega na ratifica no solamente e necesidad di enfrenta un dictadura den e crisis, tambe mi a comprende cu nos tur ta necesario den e proceso aki,” Guaido a declara a traves di un discurso virtual. El a agrega cu “Nos ta aki pasobra nos no a entrega, ni nos lo bay haci esey. E partidonan aki cu a firma e Pacto Unitario no ta suficiente, nos mester di respaldo di hende pa atende e crisis.”

Entre e puntonan acorda ta aparece e lucha pa logra eleccion presidencial y parlamentario liber, husto y verificable”. Tambe ta menciona recuperacion di soberania nacional, den claro referencia na e involvimento di paisnan manera Cuba, Rusia y Iran den mantene e regimen di Maduro na bida. Tambe ta menciona recuperacion di “monopolio legitimo di forza publico y posesion, uso y disfrute di su teritorio y riqueza nacional” cu ta referi na e tolerancia di forzanan arma aheno den forma di organisacion guerrillero Colombiano cu ta opera libremente den teritorio Venezolano y ta controla areanan minero. Tambe lo sigui lucha pa liberacion di tur preso politico, civil y militar, pa termina persecucion y e retormo di tur exiliado. E pacto ta encera tambe activacion di articulo 70 di Constitucion pa cuminsa tene consulta popular.

 

LEAVE A REPLY

Please enter your comment!
Please enter your name here