Presidente Venezolano, Nicolas Maduro ayera a declara un alerta na henter frontera cu Venezuela ta comparti cu Colombia y a ordena e realisacion di ehercicionan militar na e zona limite, den bista di un intervencion supuesto di e pais bisiña pa crea un conflicto entre e dos nacion.

“Tur unidad militar na frontera ta declara un alerta oraño frente e menasa di agresion di Colombia contra Venezuela y ta cuminsa dia 10 te cu 28 di september e ehercicionan militar”, e presidente a bisa durante un acto cu militarnan na Caracas.

Maduro a splica cu e ehercicionan aki, lo bay haci ‘pa pone na tono tur e sistema di armanan, tur e despliegue di operacion y actividad militar necesario pa Venezuela preserva su siguridad y su trankilidad’.

E operativo lo tuma luga na e estado Zulia, Tachira, Apure y Amazonas, teritorionan cu ta conforma e 2.219 kilometer di frontera cu Venezuela ta comparti cu Colombia.

Ademas, el a lamenta e retorno na arma di un grupo di disidente di e guerrilla FARC, y a bisa cu Venezuela semper tabata kier e pacificacion di e conflicto ey, cu ta hiba mas di mey siglo na Colombia. Na su huicio, e gobierno Colombiano, cu Iván Duque como lider ‘no kier paz, kier e guera’ y p’esey el a pidi pa e Forsa Arma Nacional Bolivariano (FANB) ta atento na e frontera.

Pa e motibo aki, e lider Chavista a anuncia cu lo reforsa ‘un conhunto di medida’, entre e cual el a menciona e ‘despliegue di e forsa militar’.

 

LEAVE A REPLY

Please enter your comment!
Please enter your name here