(LaPatilla/Reuters) – Exportacionnan di petroleo di Venezuela a sink luna pasa na su nivel mas abao den casi un aña, interumpi pa e falta di disolventenan cu a hiba na un perdida considerabel di produccion den su region principal di produccion, e Faha di Orinoco. Reuters ta señala cu nan a mustra documento- y datonan di deteccion di petroleronan.

E escasez for di augustus a mantene Orinoco den un situacion di emergencia declara pa PDVSA debi na retrasonan den e produccion den e camponan petrolero y stacionnan di mescla, cu tambe a genera retrasonan den e expedicion, segun documentonan di e empresa.

PDVSA y su empresanan conhunto a exporta 414 mil bari pa dia (bpd), un total di 19 cargamento luna pasa, un caida di 34% compara cu e luna anterior y e cantidad mas abao desde october di 2020.

Cerca di dos tercio di e cargamentonan a bay rumbo pa Asia, destino principal di e petroleo di Venezuela, mientras cu 77.500 bpd di productonan crudo y refina tabata dirigi pa e Medio Oriente y 58 mil bpd a wordo ricibi na Cuba, aliado politico di president Nicolas Maduro.

E produccion di Orinoco por recupera pronto. Na final di september, e Dino I cu bandera di Iran, a cuminsa descarga 2.1 miyon di barinan di petroleo condensa pa usa nan manera disolvente pa e empresanan conhunto Petrolera Sinovensa, Petrocedeno y Petropiar di PDVSA.

Un di dos cargamento di petroleo condensa Irani lo yega den e proximo simannan den virtud di un contract di intercambio entre PDVSA y e Compania Nacional di Petroleo di Iran, cu ta spera cu lo proporcion suministronan durante por lo menos seis luna.

Iran, cu mediante su cooperacion cu Venezuela a profundisa na medida cu ambos nacion ta lidia cu sancionnan di Merca, a manda un cargamento mas chikito di petroleo condensa na juli, y di februari te cu april el a proporciona gasolin pa e pais Sur Americano cu sed di combustibel, cual nan refinerianan ta trahando cu un fraccion di capacidad.

LEAVE A REPLY

Please enter your comment!
Please enter your name here