(LaPatilla)— Un total di 2.5 miyon di persona a ricibi entre januari y november di 2022, algun tipo di ayudo na Venezuela, segun un rapport publica diaranson pa e Oficina di Coordinacion di Asuntonan Humanitario (OCHA) di e Organisacion di Nacionnan Uni (ONU).

Di e total di beneficiadonan, OCHA a detaya cu 1.09 miyon tabata adulto entre 18 y 59 aña, 861 mil tabata mucha y hoben, y 590 mil persona mayor di 60 aña di edad.

E organisacion a indica, den un grafico, cu 2.4 miyon di persona a ricibi e asistencia sanitario aki, 1 miyon tabatin acceso na awa limpi, limpiesa y higiena, 459 mil a ricibi suplemento relaciona cu nutricion, entre otro apoyonan, comprendiendo cu tin casonan den cual un beneficiario ta haya mas cu un forma di ayudo.

E entreganan aki na e personanan cu necesidadnan urgente, inscribi den e Plan di Respuesta Humanitario di ONU aproba aña pasa, a wordo concretisa na 327 di e 335 municipio di e pais.

E asistencia a wordo realisa pa 146 organisacion, di cual 98 ta nacional, 27 internacional, 11 programa cu ta pertenece na ONU cu presencia na Venezuela, 2 relaciona cu Cruz Cora y otro 8 cu no ta specifica.

E Fondo Humanitario di Venezuela (FVH), un instancia di Nacionnan Uni, a informa diaranson di un asignacion di 5.9 miyon di dollar entrega na december ultimo na organisacionnan no gubernamental di e pais Caribense pa e desaroyo di proyectonan di asistencia na personanan cu necesidadnan urgente.

E FHV, cu ta ricibi donacionnan pa e pais a splica cu e placa recientemente entrega lo yuda 55.933 persona na e estadonan Amazonas y Apure (frontera cu Colombia) y Sucre.

E intervencionnan lo wordo realisa na 11 municipio caminda cu tin incidencia halto di trafico di persona y violencia, como tambe falta di servicionan basico y un perdida di medionan di bida cu ta aumentando na nivelnan di vulnerabilidad y riesgonan di proteccion di e gruponan mas vulnerabel.

 

LEAVE A REPLY

Please enter your comment!
Please enter your name here