Ta permiti entrada solamente na Chevron y Cubametales na su puerto principal

(infobae) – Compania estatal Venezolano Pdvsa ta permiti solamente pa Chevron y petroleronan Cubano drenta su puerto principal despues cu su hefe nobo a congela contractnan comercial. E decision di presidente di Pdvsa, Pedro Tellechea pa suspende contractnan wardando un auditoria a stop e carga y descarga di petroleo y productonan deriva na e puerto di jose den west di Venezuela, cu excepcion pa Chevron y Cubametales, segun dos persona familiarisa cu e situacion.

Pdvsa a nenga di duna comentario.

E decision di e compania ta interumpiendo e exportacionnan di Pdvsa pasobra e tramitenan di benta ta suspendi wardando e firmanan di e gerentenan entrante, segun un di e personanan. Tellechea a duna ordo pa auditoria despues di acusacionnan di perdida den envio totalmente carga pero no totalmente paga. E contractnan di Chevron no ta afecta. Te awo a exporta 1.5 miyon di bari di crudo Hamaca for di Venezuela desde comienso di januari.

Na momento cu Tellechea a asumi e mando di Pdvsa dia 6 di januari, a anula e contractnan comercial y a suspende e decisionnan cu supuestamente tabata compromete e recursonan financiero di e empresa. E nombramento di Tellechea di parti di Nicolas Maduro ta e decision mas recien cu a sacudi e compania cu ta proporciona e mayor parti di ganashi stranhero di e regimen den dificultad.

Dia 17 di januari mayoria di e wafnan di e terminal principal petrolero, Jose, tabata bashi despues cu e barconan a move na otro sitio. Na otro terminalnan a suspende operacionnan di transferencia di barco pa barco y a comunica na algun cliente cu mester paga adelanta e balor total di nan cargamento prome cu entrega, segun e fuentenan.

E suspension a afecta te awo companianan tiki conoci cu ta actua como intermediario den benta di Pdvsa na refinadornan na Asia, un mecanismo cu Pdvsa ta empleando desde cu dos unidad comercial di e Ruso, Rosneft a keda sanciona pa Merca na 2020.

LEAVE A REPLY

Please enter your comment!
Please enter your name here