E empresa estatal Pdvsa y Chevron Corp tin planea pa bolbe cuminsa mehora crudo den e planta cu nan ta maneha conhuntamente bao di e empresa mixto Petropiar, cu desde varios luna ta opera como un mezclador, segun tres fuente cu conoce e situacion.

E companianan tin programa pa cuminsa produci crudo sintetico conoci como Hamaca pa exportacion na inicio di otro aña, e fuentenan a declara bao condicion di anonimato, ya cu nan no tin autorisacion pa papia publicamente di e tema.

Petropiar a stop di Hamaca na inicio di e aña aki y desde juli tabata opera como un mezclador di petroleo pa produci crudo Merey, cu ta mas pisa y ta y principalmente destina na mercado Asiatico.

Den pasado e empresa mixto a yega di produci 210.000 bari pa dia (bpd) di Hamaca, teniendo como base e crudo extra pisa di Orinoco, unda e reservanan di crudo mas grandi di e pais ta. Gran parti di e crudo mehora tabata bay Merca pa e clientenan grandi, entre nan Valero y Citgo. E sancionnan di gobierno Mericano a pone un fin na e fluho aki. No tin claridad si Chevron y Pdvsa tin otro cliente pa e crudo Hamaca

Ni Pdvsa ni Chevron a responde riba peticion pa comentario di prensa.

Departamento di Tesoro a renoba luna pasa e licencia di Chevron pa continua operando te januari na Petropiar y nan dos otro empresanan conhunto cu Pdvsa.

 

LEAVE A REPLY

Please enter your comment!
Please enter your name here