Entre 1985 y 2017, a conta 55.791 supuesto feminicidio na Mexico, segun cifranan di Nacionnan Uni y Gobierno, cu ta resalta e aumento di e tendencia aki durante e ultimo 3 aña.

Na 2014 so, Observatorio di Igualdad di Genero di Latino America y Caribe a reporta 2.289 morto den e pais Latino Americano aki, e cifra mayor di e 16 pais cu a observa. Un cifra cu a disminui durante ultimo añanan, cu 898 caso na 2018, pero cu ta sigui entre esunnan mas halto di e region.

Famianan y victimanan a sali riba caya di e capital Mexicano pa rechasa e ‘Dia di e muhenan morto’ y asina recorda cu e plaga di feminicidio ta continua afecta tur skina di Mexico.

Nuebe muhe asesina pa dia. Esey ta e saldo dramatico di e feminicidio cu ONU ta reporta, entre januari di 2018 y september di 2019, a sosode 1.611 presunto asesinato di muhenan, segun e cifra di e Secretaria di Siguridad di Gobierno. E parti mas alarmante ta cu e mayoria di e caso ta keda impune.

“Nos tin cu cambia e patronchi cultural. Nos tur mester contribui pa un reeducacion, mi ta insisti, e obisponan mester reeduca, e sacerdote mester reeduca, nos mes, tur nos mester reeduca pa cambia nos vision di genero”, Alejandro Solalinde, sacerdote y activista de derecho humano cu a asisti na e protesta, a splica.

Na Mexico, e falta di condena y contesta di autoridadnan riba e tema di feminicidio ta genera varios biaha mobilisacion na sociedad civil unda e ciudadanonan ta grita “Ni una mas!”.

 

 

LEAVE A REPLY

Please enter your comment!
Please enter your name here