Na Venezuela ta resulta mas barata importa cu fabrica, y esaki ta keda refleha den e shelfnan di e tiendanan, cu a lo largo di 2019 a yena cu producto importa, cu ta bende na prijs bastante mas abao cu e productonan nacional, pasobra nan no ta paga impuesto di importacion.

Esaki ta un problema grave pa e empresario. Pa prome biaha den ultimo añanan competencia di producto importa ta entre e prome cinco problemanan mas urgente pa sector industrial, cu awendia ta opera cu solamente 20,6% di su capacidad instala. Di acuerdo cu Confederacion Venezolano di Industrial (Conindustria), produci un bien na e pais ta tres biaha mas cu importa.

E resultado di e Encuesta di Coyuntura realisa pa e gremio, corespondiente na tercer trimester di 2019, ta mustra cu competencia desleal di producto importa ta e di cinco factor cu mas a afecta produccion de bienes entre juli y augustus di e aña aki.

“Nan ta faboreciendo productornan den exterior cu ta trece un cantidad di producto na e pais cu hopi biaha ni sikiera ta cumpli cu e normanan di calidad. Mientras tanto nos tin cu cumpli cu un serie di norma sanitario hopi di e productonan ey no tin, y nos mester paga impuesto,” Adan Celis Michelena, presidente di Conindustria, ta splica.

Tin economista ta argumenta cu un di e motibonan pa cual tin importacion asina grandi ta e prijs relativamente abao di e dollar oficial, cu ta haci cu ta mas rentable importa producto na lugar di cumpra esun fabrica na Venezuela.

LEAVE A REPLY

Please enter your comment!
Please enter your name here