Vice-presidente di Asamblea ta refugia den embahada di Chile

Freddy Guevara, vice-presidente di Asamblea Nacional di Venezuela. Fuente di potret: Twitter di Freddy Guevara

Freddy Guevara, vice-presidente d Asamblea Nacional,  a solicita proteccion den embahada di Chile, despues di menasa di gobierno. E medida a ser acepta pa Chile.

Gobierno Chileno a informa cu e vice-presidente di parlamento Venezolano ta refugia desde diasabra pasa den residencia di embahador Chileno na Venezuela, despues di ricibi menasa cu por a afecta su integridad.

Tribunal Supremo di Husticia a habri caminda diabierna pasa pa enhuicia Guevara, declarando cu e presuntamente tabata envolvi den instigacion publico y otros delito, despues di cu a solicita pa kita su inmunidad parlamentario.

Comunidad internacional a expresa rechaso pa e medida di retira inmunidad parlamentario di Guevara, aplica pa Tribunal Supremo.

“E tipo di medida aki ta limita legalmente e ehercicio di funcion di e integrantenan di Asamblea Nacional, elegi pa voto popular, y ta desconoce e separacion di podernan, indispensable pa un democracia pleno y e respet pa e estado di derecho,” asina un  comunicado firma pa Secretaria di Relacionnan Exterior di Mexico ta bisa.

Gobierno di Spaña a condena “e atentado nobo aki contra democracia Venezolano y contra su Asamblea Nacional, unico poder legislativo legitimo y depositario di soberania nacional di pueblo.”

E asina yama Grupo di Lima, conforma pa 12 pais di continente Americano, a sigura cu e  decision di Tribunal Supremo  “ta constitui un atentado nobo  contra estado di derecho y e  division di podernan na Venezuela y ta impedi e funcionamento normal di Asamblea Nacional, legitimamente constitui a traves di voto popular.”

Julio Borges, presidente di Asamblea Nacional (AN), a sigura ayera cu e medida di kita inmunidad parlamentario di e vice-presidente di Asamblea ta un decision politico y arbitrario cu ta pretende sigui debilita e parlamento.

E diputado pa estado Miranda a afirma cu e legisladornan lo sigui traha pa e Venezolanonan cu a vota  na fabor di e mayoria opositor den e eleccion parlamentario di 6 di december 2015.

El a rechasa e accionnan tuma pa gobierno den ultimo dos aña contra poder legislativo. “Gobierno a trata di destrui Asamblea Nacional. 15 dia despues cu a oposicion a gana ya nan a kita tres diputado pa evita e mayoria califica di oposicion. Tribunal Supremo di Husticia ta dedica na  resolve caso den cuestion di ora y e caso aki tin mas di un aña y no tin ningun resolucion,” e diputado a agrega.

You May Also Like

Indigenan  a declara nan teranan como ‘ser bibo’ pa evita e explotacion

 Amazonico Indigeno di Ecuador a declara  cu  e ‘selva  bibo’ ta den nan teritorio ...

Hulandes ta suministra municion pa organisacion terorista

DEN HAAG –  Un Hulandes naci na Corsou a ser condena na Rotterdam pa ...

Miles di biyete Venezolano haya na Rio de Janeiro

Dialuna polis di Rio de Janeiro a haya cerca di 40 miyon di bolivar Venezolano ...

13 persona asesina riba dia di eleccion na Venezuela

Diesun ciudadano a wordo asesina den e protestanan riba diasabra y diadomingo. E mortonan ...

Peru: Alberto Fujimori lo bolbe prizon di Barbadillo

Instituto Nacional Penitenciario di Peru (INPE) a informa e Poder Hudicial cu e ex-presidente ...

84 morto den inundacion na Peru

E cantidad di hende cu a fayece a causa di yobida y avalancha a ...