Violencia y crimen: menasa pa Caribe

Paisnan den Caribe ta gaba cu nan ta ofreciendo un ambiente idilico, unda playanan di santo, tononan di calypso y un estilo di bida ‘laid-back’ ta yamativo. Pero tras di e imagen aki di ‘happy-go-lucky’, e region tambe tin un parti scur: crimen violento y un tolerancia pa violencia domestico.

Di acuerdo cu un estudio nobo, “Restoring Paradise in the Caribbean: Combatting Violence with Numbers,” e region tin un di e cifranan mas abao na mundo pa crimen contra propiedad, pero un di e tasanan mas halto di crimen violento. Casi 1 di cada 3 ciudadano a perde un persona keri pa violencia, y hende tin mas probabilidad di bira victima di asalto o menasa cu cualkier otro luga den e hemisferio.

“Turista, cu no ta obheto di crimen violento den Caribe, por ta totalmente inconsciente cu ciudadano di Caribe ta birando gradualmente mas preocupa, y pa motibo valido, encuanto violencia,” Heather Sutton, e investigado principal tras di e estudio di Inter-American Development Bank, ta bisa, basa riba encuesta riba victimizacion y divulga ayera durante un discusion di panel di ‘Inter-American Dialogue’ na Washington, D.C. “Gobiernonan den Caribe ta haciendo esfuerso significativo y ta gastando sumanan considerabel di nan presupuesto pa purba resolve e problema aki.”

E estudio ta enfoca riba cinco pais Caribense  –  Bahamas, Barbados, Jamaica, Trinidad & Tobago, y Suriname.  A encuesta como 3000 persona bibando den cada capital di e pais. Na luga di confia solamente riba informe policial encuanto homicidio, e investigadonan a entrevista victima di crimen, di cual 47% no a reporta nada na autoridadnan hudicial.  Cifranan di crimen aumentando, specialmente cifra preocupante di homicidio na un pais manera Jamaica, pa hopi tempo tabata un preocupacion principal den e region y ta keda un desafio persistente. Otro estudio di Inter-American Development Bank, por ehemplo, a ilustra cu un di cada cuatro empresa na Bahamas a bira victima di crimen na 2013-2014, y cu crimen tabata un preocupacion mayor pa ciudadanonan di Bahamas, cu siman pasa a core cu e gobierno cu tabata goberna den eleccion y a bay pa faborece oposicion.

E siman aki, presidente di Camara di Comercio na Clarendon, Jamaica, a keha cu un aumento severo den reporte di asesinato, robo, extorsion, y otro actividad ilicito den e parokia tabata core cu inversionista.  E parokia a ser menciona mas tempran den e luna aki pa ministro di Siguridad Publico di Jamaica, Robert Montague, como un di e luganan unda temor di bira victima a keda halto, a pesar cu un investigacion haci na 2016 na Jamaica a indica cu e nivel di crimen tabata bahando pa henter e pais.

Violencia domestico ta otro aspecto cu ta generalisa den e paisnan analisa. Tin un tolerancia eleva pa violencia domestico, specificamente violencia contra hende muhe y castigo fisico. Por ehemplo, un mayoria (66%) di esnan encuesta den tur cinco pais, a reporta castigo fisico como mucha, mientras cu un di cada tres adulto den Caribe – mas cu na Merca o America Latino – no tin problema pa bati un muhe den caso di infedilidad.

 

 

You May Also Like

Organisacion di Estado Americano ta certifica lista di preso politico na Venezuela

E secretario general di e Organisacion di Estado Americano, Luis Almagro, a indica diamars ...

Henrique Capriles no tin paspoort mas

Mientras cu e declaracion di e embahador Chavista ta duna muestra di e division ...

Mucha di 12 aña a muri pa desnutricion cronico

Bolivia ta bibando dianan di conmocion y drama pa un mucha muhe di 12 aña ...

Presidente Macri ta fortifica su posicion den eleccion pa congreso Argentino

E coalicion Cambiemos cu ta apoya presidente Mauricio Macri a vence esun di e ...

Cuba: Lo bay reconoce propiedad priva pero ta mantene estado socialista

  (Infobae/LaOpinion) – Cuba lo bay reconoce e papel di mercado y propiedad priva ...