Virgin Orbit Boeing 747-400 rocket launch platform, named Cosmic Girl, takes off from Mojave Air and Space Port, Mojave (MHV) on its second orbital launch demonstration in the Mojave Desert, north of Los Angeles. (AP Photo/Matt Hartman)

Virgin Orbit di Richard Branson a yega den espacio, ocho luna despues cu e prome vuelo di demostracion di su sistema di raket lansa pa aire a faya, e compania a bisa.

Un raket LauncherOne di 21.34 meter di largura a ser lansa for di abao di e hala di un Boeing 747 carrier fuera di costa di Southern California, a cende algun momento despues, y a bula den direccion di espacio.

E raket di dos etapa tabata carga un cluster di satelite hopi chikito conoci como CubeSats desaroya y construi como un parti di un programa educacional di NASA involucrando universidadnan Mericano.

E lansamento a tuma luga despues cu e Boeing 747-400 a despega for di Mojave Air and Space Port den desierto nort di Los Angeles y a bula riba Ocean Pacifico na un punto mas leu di Channel Islands. “Segun telemetria, LauncherOne a alcansa orbita!”, Virgin Orbit a tweet despues. “Tur den e team cu no ta den control di mision aworaki ta birando absolutamente loco.”

E etapa superior di e raket a deslisa durante un periodo, a cende back pa circula e orbita, y despues a lansa e nuebe CubeSats.

E desaroyonan di vuelo a keda anuncia riba rednan social. No a transmiti e lansamento e bibo publicamente.

Virgin Orbit, basa na Long Beach, California ta parti di un ola di companianan enfocando riba mercado di lansamento pa satelitenan chikito cada bes mas capaz, cu por varia den tamañonan comparabel na un toaster te un frishider na cas.

Virgin Orbit ta gaba e flexibilidad di su capacidad pa cuminsa su misionnan door di usa aeropuertonan rond mundo. E compania a intenta su prome lansamento di demostracion na mei 2020.

LEAVE A REPLY

Please enter your comment!
Please enter your name here