Den matutino Diario a keda publica awe cu nan lo a haya e informacion cu tin un carta oficial cu lo a sali di WEB N.V. na unda cu ta pidi gobierno di Aruba pa aumenta e tarifa di awa y coriente cu 20%.
Riba e pregunta di Bon Dia Aruba si dicho carta ta exsisti, vocero di WEB N.V. Asja Dongen ta reacciona bisando cu ‘pa awor nos (nan) no ta desea di duna reaccion al respecto’.
E vocero ta splica cu den caso cu tin cambio den tarfica, ‘WEB lo comunica esaki debidamente’. Bon Dia Aruba a tuma contacto tambe cu vocero general di gobierno pa puntra si e carta cu ta ser menciona a wordo ricibi pa gobierno. E vocero a duna di conoce cu Utilities N.V. lo duna un reaccion riba esaki.
Bon Dia Aruba lo keda pendiente di e desaroyo aki.
