“E mapa di America ta pio pa via di e pandemia Covid-19”, asina ta señala e headline di e revista Newsweek basa riba informe semanal di Organisacion Mundial di Salud (WHO) cu ta actualisa e datonan di cada pais den relacion cu e contagio y mortonan pa via di e brote di e virus Sars-CoV-2.

E evaluacion di e organismo rector ta identifica Merca y Brasil como e paisnan cu tin “casi tres cuarta parti di e casonan” den e continente. Na Latino America, despues di e nacion conduci pa Jair Bolsonaro, ta Argentina – sigui di Colombia y Peru – na unda tin mas contagio di acuerdo cu estadisticonan oficial.

“A notifica mas di 1.8 miyon caso nobo y 37.000 morto nobo durante e siman cu a finalisa 6 di september, un aumento di 5% den e cantidad di casonan y un disminucion di 2% den e cantidad di mortonan compara cu e siman anterior, di 24 pa 30 di augustus”, WHO ta indica den su rapport.

E mapa ta mustra hopi specifico cu e region mas afecta ta Latino America. Den ultimo siman a suma 570.095 persona infecta den e lista. Si ta suma Merca cu 288.617 y Canada cu 3.766, America a agrega 862.478 positivo di Covid-19 den apenas shete dia. Desde e comienso di e pandemia e parti aki a reporta mas di 14 miyon di caso den e region, loke ta nifica 52% di e total mundial y 484.079 morto, 55% di henter planeta.

LEAVE A REPLY

Please enter your comment!
Please enter your name here