Recientemente durante un entrevista haci pa e matutino di Extra, e doño di loteria Robbie dos Santo ta bisa cu te cu awo no a surgi nada nobo durante interogacionnan despues di su aresto.

Dos Santo ta sospechoso den e caso di asesinato di e ex miembro di Parlamento Helmin Wiels. Su ruman ex Minister di Finanzas George Jamaloodin a wordo sentencia pa basta aña di prizon pa su supuesto participacion den e asesinato, pero ta mantene cu inocencia.

Robbie dos Santos a ser aresta dos siman pasa riba di a 18 di november na Sint Maarten. Ministerio Publico a acusa su persona como e persona cu a ordena e asesinato di Helmin Wiels na mei 2013.

“Nan no a puntra mi nada nobo den comparacion con na a haci cinco aña pasa”, e doño di loteria a bisa, kende ta ser procesa un biaha mas.

Desde e prome aresto di Dos Santos en e caso Maximus, Ministerio Publico a afirma cu na a colecta pruebanan incriminatrio contra su persona y asina por a ordena su aresto riba e base aki. Na augustus 2014, despues di su prome aresto den e caso aki , corte a dun’e su libertad. Dos Santos ta sigui ta sospechoso.

E evidencia nobo a ser presenta pa Ministerio Publico den registronan oficial pa un hues pa examina esaki, kende a dicta cu tin suficiente prueba y motibo pa e detencion di Dos Santos. Segun e ley e detencion ta na vigor pa un maximo di ocho dia. Despues di esaki, Dos Santos a ser presente un biaha mas dilanti hues di instruccion, kende a dicidi cu e hefe di e loteria lo ser deteni pa mas tempo.

LEAVE A REPLY

Please enter your comment!
Please enter your name here