Lo kita un total di 1900 meter cuadra di mangel di awa for di e parke di mangel di awa den e area di Ref. Jason Obispo, Vocero di e proyecto Ref di Ministerio di Trafico, Transport y Planificacion Espacial (VVRP), ta conta.

Segun Obispo, mas despues lo compensa tur mangel di awa cu a kap. E planificacion ta pa den e area traha dos parke nobo riba isla chikito cu boske di mangel di mil meter cuadra cada un.

Experto di mangel, Ryan de Jongh ta preocupa pa e proyecto. Segun e, ta costa minimalmente 12 aña prome cu e mangelnan tin e mesun tamaño cu e palonan cu ta kap actualmente.

Segun e fuente Retkaribense ta indica cu e trabounan pa desaroya e area di Rif y hacie un area di recreacion, entre tanto, ta aden caba tur cu tin. A cera un parti grandi di e tereno caminda e hotel nobo Courtyard Marriott mester bini y cu esaki tambe e caminda cu ta conecta Cruise Terminal na Mega Pier cu e rotonde na Pater Euwensweg.

Na banda di Megapier, entre tanto, e compania Hulandes Heuvelman Ibis ta ocupa cu kapmento di un parti di e boske di mangel di awa pa haci remodelacion di e area posibel.

Hopi sushi
Actualmente e boske di mangel di awa ta masha sushi pasobra añanan largo awa sushi di e riool di Pater Euwensweg a basha den e mangelnan. “E trabounan pa combati e bashamento di awa sushi aki den e boske di mangel di awa den e area di Ref ta cuminsa na november”, Obispo ta conta. Ora para e bashamento aki por cuminsa sanea e area. Segun Obispo, e trabao pa reemplasa e instalacion di pomp awa y drechamento di e pipanan di riool cu ta bay e instalacion di limpia awa, lo habri na september 2019.

Segun VVRP e ora ey e trabounan por cuminsa na november di 2019. Ta spera cu e trabounan lo dura mas o menos un aña.

Condicionnan di Corendon
Saneamento di e parke di mangel di awa tabata un di e condicionnan di e hotel nobo di e organisacion di biahe Corendon, cu ta construi banda di e parke di mangel, pa habri. E planificacion tabata pa esaki sosode na december di 2019.

Pero tanto e planificacion pa sanea, como e planificacion di Corendon pa habri, a move pa april di 2020. E prome fase di e trabounan di saneamento lo mester a caba e ora ey.

Segun Atilay Uslu, CEO di e hotel nobo di Corendon e posponemento di e apertura di e hotel, cu e nomber apropia ‘Corendon Mangrove Beach Resort’, no tin nada di haci cu e trabounan retrasa di VVRP.

Trahado local
“E motibo cu nos mester a pospone e apertura ta pasobra nos ke pa nos hotel traha cu trahado local. Pa esaki mester reeduca y trein hopi hende. Esaki ta tuma mas tempo cu a planea”, segun Uslu.

E desaroyo di e area di rif ta consisti di dos fase. E prome fase ta e combatimento di e bashamento di awa pa asina cuminsa e saneamento. E di dos fase ta e remodelacion di e paisahe di e parke di mangel di awa. Segun Obispo e dos fasenan aki lo core paralel.

 

LEAVE A REPLY

Please enter your comment!
Please enter your name here