E sindicatonan SAP, NAPB y ABVO a organisa un sesion informativo ayera mainta. Na a pidi pa tur oficial uniforma pa bini y a duna nan informacion tocante e plan di gobierno pa recorta 12.5% di nan salario.

E sindicatonan no ta di acuerdo. Nan kier pidi apoyo di e oficialnan den nan lucha contra e recorte salarial.

Miembronan na bos halto a duna mandato na nan lidernan pa bisa gobierno pa no mishi cu nan salario i no mishi cu nada di nan. Lacle a bisa cu e ta den diferente plataforma i e lo percura pa traha riba e mandato.

Miembronan a pidi pa urgi minister Konket pa yama un reunion extraordinario di CGOA. A corda miembronan cu minister Konket a bisa cu e  ta yama un reunion extraordinario di CGOA. Lacle a bisa cu ta ‘hopi awa mester pasa den Schottegat pa e cosnan ey sosode. E no ta bay asina”.

Lider di PWFC Angelo Meyer tambe a haci acto di presencia. Meyer a bisa cu e t’ey pa duna sosten na e lucha di polisnan. PWFC tin representacion den diferente organisacion y Meyer a bisa cu den e ‘otro casnan’ esta otro companianan tambe tin hopi mal contento. Den e ‘otro casnan’ tambe tin hopi problema pa e cortamento di 12.5% di trahadonan. trahadonan no ta di acuerdo. Meyer a urgi e polisnan pa duna sosten na e lucha  pasobra ‘den tur cas e candela a cende”. Ta na trahadonan pa laga gobierno compronde cu esaki no por. No ke pa mishi cu potmoni di trahadonan.

E lucha no ta contra comunidad, polis ta parti di comunidad, ora polis lucha nan ta lucha pa comunidad den su totalidad.

LEAVE A REPLY

Please enter your comment!
Please enter your name here