Zr. Ms. Groninge a tuma e funcion di barco di stacion den Caribe for di Zr. Ms. Friesland. E barco di patruya a mara na Bahia Santa Ana na Willemstad ayera mainta, segun un comunicado di Wardacosta di Region Caribe di Reino Hulandes.
Durante proximo lunanan, e barco lo ser desplega pa varios tarea di seguridad riba lama, manera vigilancia, aplicacion di ley, y combate di actividadnan ilegal, manera contrabanda di droga. Adicionalmente, e ta para cla pa duna sosten durante situacionnan di emergencia, por ehempel, durante temporada di horcan cu ta cuminsa e luna aki.
Marina Real di Hulanda tin cuatro barco di patruya di clase ‘Holland’. E OPVnan aki – Barconan di Patruya cu ta bay Ocean – ta barconan cu por keda desplega flexiblemente pa vigilancia di awanan costal. E barco di stacion tin un helicopter di combate marino NH90 abordo pa sostene e barco cu operacionnan aereo.
Pa ultimo cuater luna, Zr. Ms. Friesland a cumpli cu e rol di barco di stacion den Caribe. Ademas di vigila e situacion di seguridad rond di e islanan, e barco recientemente a bishita New Orleans, unda el a participa den festividadnan marcando e di 250 aniversario di Merca.
Cu presencia di un barco di stacion den region, Defensa ta contribui na paz y seguridad den Caribe.
