ORANJESTAD- E gerencia di Banco Di Caribe Sr. Willem Lacle y Sr. Herbert Ignacio a analisa no solamente e resultado di e team cu a logra recientemente e titulo di e Champion World Senior Division 2010, sino henter e desaroyo positivo cu e organizacion di Little League Aruba a hanja den ultimo añanan.
Banco di Caribe a hasi un donacion di 200 buki “E Preparacion Mental Den Deporte” skirbi pa Lic. Edmundo Josiah na e organizacion aki.
E Managing Director di Banco Di Caribe, Sr. Willem Lacle y Sr. Herbert Ignacio nan a hasi entrega  di e bukinan na Sr. Elio Heronimo, Presidente di Little League.

KUDAWECHA- Aruba Softball Bond tin e honor di publica un resumen y biografia di Sra. Carmelita Haynes un baluarte den softball na kende e campeonato femenino 2010 ta wordo dedica. Carmelita a cuminsa hunga softball na edad hopi hoben cu apenas 14 aña pa scol. Carmelita a cuminsa train cu Pepsi Cola bou maneho di manager  Carlos Javois. Carmelita a milita den e equipo di  Pepsi pa hopi aña largo. Carmelita hunto cu Pepsi a logra titula campeon di Aruba na dos ocasion. Asina Carmelita a sigui desaroya y a biaha pa Merca compitiendo den World Series di Softball.  Tambe Carmelita a competi den weganan Pan Americano na Peru. Na diferente ocasion Carmelita a biaha pa Venezuela sea cu seleccion of cu su equipo. Otro paisnan unda Carmelita a hunga softball representando Aruba ta entre otro Corsow, St. Maarten, Bonaire.