stelling 2.png

Entre 14 di september y 1 di december 2015 KITLV a conduci un investigacion di opinion riba e 6 islanan di Reino, unda cu e habitantenan di e islanan a wordo puntra tocante e posicion di nan pais den Reino, e relacion cu nan tin cu Hulanda y e politica local. Riba tur e islanan un cantidad di adres a wordo selecta (sin structura) y bishita y a conduci entrevista a base di un lista di pregunta riba papel. Entrevistanan a wordo teni den 4 diferente idioma (Papiamento, Hulandes, Ingles y Ingles), despues tur informacion a wordo poni den un sistema grandi di colecta data. E resultadonan di esaki a causa cu personanan a cuestiona e cantidad di hende uza den e encuesta, aki por mira e cifra y porcentahenan uza.

For di e prome analisis di e data a resulta cu e resultadonan di St. Maarten no por a wordo uza y cu lo tabatin fraude cu a tuma luga cu e investigacion di opinion  riba e isla, pues a uza solamente cifranan di e otro 5 islanan.

Riba e tres islanan di Caribe Hulandes (Boneiro, St. Eustatius y Saba), tur e adresnan por a wordo bishita pa e encuestadonan. E porcentahe cu a responde na Boneiro y Saba ta rasonabel (68% y 73%) mientras cu e porcentahe na St. Eustatius ta 51% cual ta basta abou, segun KITLV. Na Aruba y Corsou tur e adresnan no por a wordo bishita den e termino cu e grupo di encuestadonan tabatin cual tabata inicialmente 1250 adres. Na Aruba  665 adres a wordo bishita 53% di e encuesta, y di cual 408 di e adresnan aki por a wordo entrevista cu exito (porcentahe cu a responde ta 61%). Na Corsou 959 adres a wordo bishita 77% di e encuesta unda cu 656 adres a wordo entrevista exitosamente (porcentahe cu a responde 68%. E hecho cu no ta tur adres riba e isla a wordo bishita, kiermen cu e cifranan presenta mester wordo mira cauteloso y no tuma como hecho. Esaki ta e caso mas pa Aruba cu pa Corsou, KITLV ta enfatisa.

Tres tesis a wordo haci riba e 5 islanan tocante di e presencia di Hulandes riba e isla y e presencia di otro bishitantenan riba e isla. Tur e tesis nan aki a wordo haci di tal forma cu e persona entrevista ta wordo stimula pa duna reaccion riba su contesta. E opcionnan tabata “esey ta berdad” of “esey no ta berdad”, pero nan por a indica tambe cu nan no kier contesta e pregunta ey of cu nan no sa of nan tin opinion pa duna pa e cierto tesis.

Informacion resultadonan

For di e resultadonan a sali afo cu riba e islanan tin diferencia grandi den pensamento tocante si tin mucho hopi Hulandes ta biba riba nan isla. Na Boneiro e resistencia contra Hulandes ta mas grandi, kasi tres cuart (73.7%) di e Bonerianonan cuestiona a contesta cu nan ta haya cu tin mucho Hulandes ta biba riba e isla. Esaki claramente por wordo splica pa e posicion cu e isla a tuma e ultimo añanan como e isla cu e ola mas grandi di imigracion di Hulandes. Na Corsou 54.6% ta pensa cu tin mucho Hulandes ta biba riba e isla y na Aruba 42.4%.

E segundo tesis tabatin di haber cu e asunto di cantidad di hende di afo cu ta bin biba riba e isla. Na tur pais e grupo cu ta di acuerdo cu e tesis aki ta mas grandi cu esun cu no ta di acuerdo, pero asina mes tin diferencia grandi di opinion entre e islanan. Casi 95% di Arubiano ta di acuerdo cu  tin mucho hende di afo ta biba riba e isla, Na Boneiro cu Corsou e porcentahe aki tambe ta riba 80%. Mescos cu den e tesis anterior, e dos islanan ariba e resultado ta mas abou. Pues por mira un diferencia grandi den islanan ariba y islanan abou.

Finalmente a puntra habitantenan pa duna nan opinion si tin mucho turista Hulandes cu ta bishita nan isla. Riba tur e islanan tin un opinion mas positivo cu a wordo duna tocante turista Hualndes, atrobe cu un diferencia grandi entre e islanan ariba y islanan abou. For di e tris islanan abou, boneiro atrobe tin un opinion mas negativo di Hulandesnan riba e isla, pero e porcentahe di “non respond” (20%), tambe ta esun di mas halto. Boneiro y Corsou ta e unico dos gruponan cu unda cu e grupo cu a bay di acuerdo cu e tesis ta mas grandi cu e grupo cu ta nenga esaki. Na Corsou e diferencia ta 3% y na Boneiro 11%. Locual ta resalta di e tres islanan abou, Aruba claramente tin un bista mas positivo di turista Hulandes, 58% di Arubianonan cu a duna nan opinion ta opina cu nan no ta haya cu tin mucho turista Hulandes cu ta bishita nan isla. Na Saba y St. Eustatius e porcentahenan ta hopi chikito, menos cu 10 porciento ta opina cu tin mucho bishitante Hulandes mientras cu e mayoria (83% y 74%) ta nenga cu tin mucho Hulandes ta bishita nan isla.

Conhunto e resultadonan ta mustra claramente cu riba e tres islanan abou di Reino, tin un pensamento mas negativo over di Hulandes y hende di afo compara cu e dos islanan ariba. Si e ta bay tocante e presencia di habitante Hulandes y Hulandes cu ta bishita e islanan, Boneiro claramente tin un opinion mas negativo. Esaki por wordo splica door di e aumento den e cantidad di habitante y turista cu e pais a ricibi desde 2010 cu e pais ta cay direct bou di Hulanda. Locual cu a resalta tambe ta e hecho cu Aruba entre tur e islanan ta esun cu ta pensa mas negativo tocante e cantidad di hende di afo cu ta biba riba e isla.

LEAVE A REPLY

Please enter your comment!
Please enter your name here