2 den cada 5 persona ta sufri di cancer di cuero na Aruba

9feb, NP, Cancer.jpg

Algo cu hopi hende no ta para keto na dje ta e echo cu cancer di cuero ta e cancer number uno na Aruba 2 den cada 5 persona segun Despa. Mientras cu mundialmente e ta un di e cancer cu menos ta presenta, segun IBISA.

 

Tin diferente organisacion na Aruba cu ta enfoca riba cancer y hopi atencion ta bay na cancer di pecho, mas y mas tambe ta bay riba conscientisacion pa controla pa cancer pa prostaat (cual ambos ta den e categoria mas comun mundialmente), pero cancer di cuero no ta haya mes tanto atencion. Hopi di nos no tin informacion di cuido basico contra e solo fuerte cu nos tin tur dia.

Segun informacion di e Health Monitor 2013 di Aruba, durante di e periodo di 2007 pa 2010 cancer di cuero ta e number un cancer cu ta wordo diagnostica aki na Aruba pa ambos sexo. Cu 611 caso nobo durante di e periodo menciona, 42.3% di e total di casonan di cancer diagnostica na Aruba.

Segun estudio, e conexion entre cancer di cuero y wordo exponi na solo a termino largo, kiermen cu personanan cu ta traha pafo, manera trabou di construccion, cunucu, banda di caminda, trabounan na lama entre otro, tin mas riesgo. Bisando esaki cancer di cuero no ta discrimina y ta algo cu persona di tur color por haya. Despa ta recomenda pa haci uzo di proteccion (UVA/UVB) contra rayonan di solo door di uza un crema cu por lo menos SPF 15 a base diario

Dia 4 tabata dia internacional di cancer, pero henter e luna ta keda como luna di conscientisacion segun salubridad. E lema e aña aki ta Ami por, Nos por – preveni cancer unda cu lo enfoca riba e diferente cancer pa purba reduci esakinan.

You May Also Like

Diferencia grandi entre prijs di medicamento

Recientemente nos redaccion a tuma nota di e diferencia di prijs di e remedi ...

20Jun,JO,Muslim.JPG

Jenifer Vargas: Comunidad Moslim na Aruba tin 40 aña ta sconde pa discriminacion

Jenifer Vargas, un productor di Audio & Video hopi conoci den e mundo di ...

Avioneta (NW) (3).jpg

OM: No tin indicacion di droga abordo di e avioneta cu a crash land

Den edicion di 25 di october Bon Dia a publica e noticia di e ...

Aruba riba lista gris di Union Europeo pa evasion di impuesto

Segun fuente de Volkskrant ta raporta, Aruba hunto cu Corsou y otro paisnan a ...

Ciudadanonan a entrega keho cerca OM riba dump ilegal na Tamarijn

Habitantenan di bario Seroe Lopes a entrega nan keho ayera na Ministerio Publico relaciona ...

Gobernador den su ultimo discurso di Pasco

“Nos mester sigui construi pa duna e empuhe convencional na actividadnan economico, of nos ...