Polis na Den Haag a aresta 27 persona mientras protestanan a inicia na un bario di menos recurso pa un tercer anochi, cu hobennan kimando un edificio di almacenahe y tirando piedra y clapchi riba polis diabierna anochi y den oranan trempan di diasabra.
E disturbio tambe a yega na un segundo ciudad, cu arestonan den un bario di ciudad central Utrecht, segun medionan local a reporta. Ambos area ta cas na hopi famia di decendencia Marocano y Turco.
Polis na Den Haag a bis cu a haci aresto pa ofensanan incluyendo violencia publico, incitacion y comportamento menasador. Esaki a sigui mas di 20 aresto pa ofensnan similar diahuebs anochi. Riot polis a cuida bomberonan mientras nan tabata paga un candela den un edificio di almacenahe pa ekipo deportivo y weganan na Den Haag.
E disturbio a cuminsa siman pasa memey di un ola di calor na Hulanda y movidanan di autoridanan di awa na Den Hague pa preveni muchanan di habri fire hydrant pa alivia e calor.
Legisladonan populista y anti-inmigracion ta probechando di e disturbionan como evidencia di politicanan fayido pa promove integracion y haci un yamado pa deporta esunnan cu no logra integra.
Polis na Den Haag a aresta mas di 20 durante e disturbionan.
Mas di 20 aresto
Manifestantenan riba dak y caya a tira piedra, webo y clapchi na polis durante anochi den e segundo anochi di disturbio den un bario di menos recurso na Den Hague, segun polis Hulandes a bisa diabierna.
Diahuebs anochi, e municipalidad a impone un orden di emergencia cu a duna polis podernan adicional pa detene hende. Hobennan den e bario ta enfrentando polis henter weekend tocante e fire hydrants memey di e ola di calor.
Marduga di diabierna, hobennan a daña dos vehiculo di polis mientras oficialnan di riot a mve pa restaura trankilidad. No tabatin reporte inmediato di heridonan.
