Den su resumen di ayera riba e desaroyonan di pandemia di Covid-19, Departamento di Salubridad Publico DVG a informa cu actualmente tin 38 persona hospitalisa na Aruba y 20 na Colombia pa ricibi tratamento pa complicacionnan di e malesa causa pa e virus SARS-CoV-2.

Di e 38 persona interna na Aruba, 14 ta den Unidad di Cuido Intensivo ICU, y 24 ta riba piso general. E 20 persona hospitalisa na Colombia tur ta den ICU.

Ademas, DVG a informa cu ayera 16 persona a recupera. A registra un total di 52 caso nobo, di cual 4 no ta residente y 48 ta residente. E cifranan aki ta representa un tasa di positividad entre nos residentenan di 20 porciento. E cantidad di casonan activo di Covid-19 pa ayera tabata 480 y e cantidad di fayecido no a conoce aumento y ta na 151.

Segun DVG, datonan ta ilustra casonan nobo di Covid cu un averahe semanal di 46 caso pa dia y un averahe di tasa di positividad semanal di 21 porciento pa dia.

LEAVE A REPLY

Please enter your comment!
Please enter your name here