Dienst Ouderenzorg ta haci un yamado pa tur instancianan pa cuido di anciano pa tene nan mes na protocolnan, reglanan di bishita y higiena, y cumpli estrictamente cu e maneho di Covid-19. Tambe ta conseha pa haci tur lo posibel pa vacuna e residentenan di casnan di cuido.

Dienst Ouderenzorg di Departamento di Salubridad Publico DVG a manda un carta na directivanan di tur cas di cuido di anciano pa reforsa protocolnan di higiena relaciona cu Covid-19, segun un relato di portal noticiero aruba.nu. Dienst Ouderenzorg tambe a pidi e directivanan pa sigura cu tur residente di e casnan di cuido cu no a vacuna ainda tuma nan vacuna. Tambe ta curasha miembronan di famia di pashent di demencia pa laga vacuna nan familiar di edad avansa.

DVG no a cera e casnan di cuido di anciano tempo cu e cantidad di casonan di Covid-19 a aumenta. E motibo pa esaki ta cu e departamento di cuido di anciano a confia riba e protocolnan vigente y e vacuna.

Actualmente, alrededor di 80 porciento di e residentenan den casnan di cuido di anciano ta vacuna. E tasa di vacunacion aki ta un señal positivo, y principalmente ta reduci e riesgo di morto entre e residentenan.

Sinembargo, Dienst Ouderenzorg toch ta pidi tur esnan responsabel den e casnan di cuido pa no permiti trahadonan cu presenta sintoma traha te cu nan haci un test di Covid.

LEAVE A REPLY

Please enter your comment!
Please enter your name here