(LaPatilla) – Minister di defensa di Colombia, Diego Molano, y e fiscal general, Francisco Barbosa, a entrega detayenan di e investigacion cu ta andando pa e atentado contra e president Ivan Duque y e Brigada 30 na Norte de Santander, asina Revista Semana a señala.

E minister Molano a bisa cu tras di e accionnan terorista aki tin e oposicion di Farc, e frente 33 y cu a logra obtene informacion cu e planeamento di e atentadonan a tuma luga na Venezuela.

“E ta evidente cu e atentado aki a wordo planea for di Venezuela y pa e rason aki mester haci un advertencia na e comunidad internacional pa cu e regimen di Maduro, cu ta sigui refugia terorista for di unda ta atenta contra Colombia”, Diego Molano a bisa.

El a agrega cu “esaki tabata un trabao di colaboracion harmonioso entre e institucionnan di e estado y definicion rapido di e accionnan cu a busca pa atenta contra e institucionalidad cu ta afecta mas di 44 soldaat, pero tambe e investigacion pa e atentado contra e presidente a wordo desaroya cu tur e rapides pa hiba dilanti husticia e responsablenan di e hechonan aki”.

Di su parti e director di polis, e general Jorge Vargas, a señala cu e ordennan pa e atentado a wordo realisa for di campamentonan na Venezuela.

“A ser duna e transport pa e materialnan y e placa pa e auto bomba den e instalacionnan di e brigada 30, e reunionnan, a manera cu e vehiculo a ser conduci y con e bomba a wordo activa den e instalacionnan (brigada 30), e instruccionnan cu Jhon Mechas a duna y e cantidad di placa pa e atentado na Cucuta, tur cos a keda demostra, el a wordo planea for di eynan”.

El a agrega cu “tin pruebanan di experto recolecta, aproba pa un hues y tin conexion entre e atentado na e brigada 30 y e personanan cu tabata bin for di e Catatumbo pa e atentado contra e president Ivan Duque”.

LEAVE A REPLY

Please enter your comment!
Please enter your name here