(AFP) – Un mucha di 1 aña ta tambalia den corte di inmigracion na Louisiana ta yora. E ta tira un co’i hunga cu a casi dal un fiscal.
Fiscal a duna instruccion pa e baby y su mama, di 17 aña, solicita asilo. Sinembargo e hoben no por enfoca hopi riba kico e ta bisando.
Roxana Avila-Cimpeanu, director di un grupo cu ta provee sosten legal pa menornan di edad cu no tin compania, a describi e momento aki, cual el a mira den augustus.
“E mucha aki ta spera di yena su propio solicitacion, mientras tambe e ta spera di saca afo con pa entrega documentonan pa su baby di 1 aña tambe, mientras e ta pasa door di e stress di ta un mama hoben cu tambe ta deteni,” Avila-Cimpeanu a bisa AFP.
President Donald Trump su administracion a kita financiamento pa organisacionnan cu tin varios aña di experiencia den asisti menornan di edad cu no tin compania, treciendo substituto cu no ta ekipa y no ta cualifica, segun defensornan a bisa.
“Nos ta gravemente preocupa cu ORR lo confia un poblacion vulnerabel cu firmanan sin cualificacion pa e tarea aki,” legisladornan Democratico a bisa den un carta na Department of Health and Human Services e siman aki.
ORR ta Office of Refugee Resettlement, un agencia tradicionalmente cu e tarea di cuida menornan di edad y migrante sin compania.
E categoria aki ta describi muchanan cu yega Merca sin un adulto, of ken su mayornan ta deteni pa agentenan di inmigracion y ta den shelter of bao custodia di gobierno.
Desde cu el a regresa Cas Blanco pa su di dos termino januari di 2025, President Donald Trump a cuminsa un operacion agresivo y tin biaha violento pa deporta inmigrantenan cu no ta documenta for di Merca.
Aña pasa su administracion a purba corta financiamento cu ORR a usa pa sostene un red nacional di organisacion cu pa varios aña a provee servicio legal pa menornan di edad sin compania.
Despues di un demanda, e medida a keda blokia pa un hues federal cu a ordena pa e servicionan, cual tabata un mandato di ley cu a implementa na 2008, keda manteni.
Lunanan despues, gobierno a stop di haci pago, y na juli di 2026 a aloca un contract cu Acacia Center for Justice – cual a maneha un red di alrededor di 100 organisacion – caduca.
Avila-Cimpeanu a bisa AFP na fin di 2025 cu gobierno a haci financiamento depende riba e publicacion di informacion confidencial di alrededor di 20.000 mucha representa pa e red – “y nos no a haci esaki.”
Gobierno a anuncia e plannan pa duna e caso na Burke Law Group, opera pa un ex oficial di administracion di Trump, pero e firma a retira su oferta.
Despues el a plania pa desplega Our Rescue, un organisacion funda pa un activista anti-trafico controversial y lidera pa un ex-investigador pa Immigration and Customs Enforcement (ICE).
E contract a keda poni den pausa despues di pregunta cu a trece dilanti den Congreso, den medio di un evaliacion di fondo federal aloca pa e proposito aki. “Muchanan su proteccion legal nunca mester ta e moneda di patronahe politico,” legisladornan Democrata a bisa den nan carta.
Avila-Cimpeanu ta bisa cu e administracion ta purbando di complica e defensa di menornan “pa por yega nan meta di deporta mas mucha cu por lo mas lihe cu por.”
“Mi tin 10 aña ta haci e trabao aki, y esaki ta lo pio cu mi a yega di mira pa loke ta trata gobierno su atake contra muchanan,” el a bisa.
E ta bisa cu ta comun pa menornan di edad cu no tin compania presenta den corte di inmigracion. Esaki ta dicon un abogado cu no ta compronde e problema – y cu ta papia e mucha su idioma aunke e no ta Ingles – ta necesario.
Avila-Cimpeanu a recorda un caso na 2018 ora cu su organisacion tabata den corte representando un baby di solamente algun luna. “Nos mester a bisa: e baby aki ta rechasa e acusacionnan. E baby aki lo kier un salida boluntario.”
“E ta ridiculo cu muchanan mester pasa den e proceso aki si nan tabata adulto, pero e ta parti di e proceso.”
E siman aki, CNN a reporta cu 25 mucha migrante, varios sin un abogado, a tin un audiencia na corte di Texas.
Den un declaracion manda na AFP, ORR a bisa na augustus cu el a provee financiamento te cu e fin di e aña pa US Committee for Refugees and Immigrants (USCRI) pa presenta na audiencianan di inmigracion.
“USCRI ta presentando na 100% di e audiencianan y a expande pa provee orientacion legal, consulta legal y representacion directo,” el a bisa.
Bilal Askaryar, un vocero pa Acacia, el a splica cu USCRI ta un organisacion chikito cu alrededor di 50 abogado, compara cu e 800 den Acacia su red.
“Esaki no ta tocante un contract pa nos. E no ta tocante un disputa entre un organisacion y gobierno. Esaki ta tocante 20.000 mucha cu a bini Merca buscando seguridad,” el a bisa.
