Diadomingo anochi despues di 11:30 a sosode un accident basta pisa na e luznan di trafico altura di Mc Donald’s Palm Beach. Esaki tabata riba Sasakiweg cu a resulta den hopi daño material y un persona pega den e vehiculo. A dura un rato pero unidad di rescate di brandweer a logra saca e persona. Caminda tabata cera pa trafico mientras cu tabata sacando e persona pega den auto. Algun testigo ta bisa cu e persona cu tabata coriendo un hummer a pasa den cora, tabata coriendo un velocidad basta halto y a pega den e toyota camry. Paramedico a transporta e victima cu tabata pega den auto pa hospital. Paramedico a atende cu e otro persona den e hummer cu tambe tabata herida.
