Activista di movemento di Extinction Rebellion a blokia caminda rond di ciudad mas principal di Europa. Nan a cuminsa un amplia serie di protesta cu ta exigi accion mas urgente contra cambio climatico.

Na Berlin, mas di mil persona a blokia Grosser Stern, na e centro di capital di Alemania, Tiergarten park, domina pa e punto di referencia Victory Column. E protesta a cuminsa prome cu solo sali.

Otro 300 persona a blokia Berlin central, Postdamer Platz, poniendo mueble, mesa, stoel y otro articulo riba caminda. Polis a bisa cu e protesta tabata trankil. Miembro di Extinction Rebellion a pone campo di tent pafo di oficina di Canciyer Angela Merkel, pa prepara pa protesta, pa mustra nan descontento cu e pakete di politica tocante clima di gobierno Aleman.

E protesta na Berlin ta inclui activista Carola Rackete, miho conoci como a capitan di e barco di rescate humanitario kende tabata aresta pa stop na haf di Italia sin autorisacion, pa yuda migrante cu a wordo rescata for di lama. “Nos mester keda aki y rebeldia te ora cu gobierno proclama un emergencia ecologico y actua adecuadamente”, Rackete a bisa.

Extinction Rebellion a wordo funda aña pasa na Inglatera. E ta miho conoci como XR, y tin hende na como 50 pais. E grupo a bisa cu protesta ta tumando luga na 60 pais rond mundo.

“Nos tur ta comparti interes den proteccion di clima, y Paris su obhetivo di clima ta nos standard. Si bo kier demostra contra di esey of no, ta okay, pero si ta anuncia cu tin intervencion peligroso riba caminda of cosnan asina, esey no ta bon”, segun Helge Braun, hefe di staf di Merkel. El a descarta e idea di un emergencia climatico, bisando cu constitucion di Alemania no ta provee algo asina y no ta traduci den ‘accion concreto’.

Na London, polis a informa cu 135 activista a wordo aresta pasobra nan a blokia Victoria Embankment, pafo di ministerio di Defensa. Na Spaña, miles di activista a mara nan mes na un caminda di Madrid strobando trafico den ora di mainta. Otro centenares di manifestante a campa pafo di oficina di ministerio di Transicion Ecologico di Spaña.

 

LEAVE A REPLY

Please enter your comment!
Please enter your name here