Un actor di e pelicula ‘Twilight’ y su pareha a ser haya morto siman pasa den un condominio na Las Vegas, segun autoridadnan a bisa ayera.

Dokter John Fudenberg di Clark County a bisa cu no ta sospecha ningun crimen den e fayecimento dia 13 di mei ultimo di Gregory Tyree Boyce di 30 aña di edad y su pareha Natalie Adenike Adepoju di 27 aña.

Fudenberg a bisa cu nan causa y forma di morto no lo ta conoci te cu examinadornan medico ricibi resultadonan di test di toxicologia dentro di varios siman.

A haya e curpanan despues cu a solicita presencia di polis pa un reporte di un curpa morto den un compleho residencial varios kilometer oost di Las Vegas Strip, segun polis a bisa.

Oficial di polis di Las Vegas, Larry Hadfield, vocero di e departamento, a bisa cu e mortonan no ta considera resultado di un acto criminal.

Boyce a actua como Tyler Crowley den e pelicula di 2008 cu Kirsten Stewart y Robert Pattinson. Boyce tabatin un rol chikito pero memorabel como Tyler, un studiante di Forks High School kende casi ta dal Bella Swan (Kristen Stewart) cu su van den parkeo di e scol.

Mama di Boyce, Lisa Wayne, a bisa den un post riba Facebook diadomingo cu e tabatin plan pa topa cu Boyce ayera pa papia tocante un negoshi di chicken wing cu nan tabata kier a habri. El a referi tambe na yiu di Boyce di 10 aña di edad. Adepoju tabatin un yiu homber di 4 aña.

 

LEAVE A REPLY

Please enter your comment!
Please enter your name here