Jennifer Araoz, kende ta un di e acusadonan di Jeffrey Epstein, a bisa cu Epstein a abusa sexualmente di dje na su cas na New York, tempo cu e tabatin apenas 15 aña di edad. El a duna informacion na programa ‘Today’ di NBC.

Araoz a bisa cu e no a papia cu autoridad di acusacion contra e miyonario financiero pa motibo cu e tabatin miedo di retribucion. Mescos cu otro victimanan, Araoz ta bisa cu Epstein a pidi su persona pa kita paña y duna massage na Epstein, mayoria di biaha tabata caba na acto sexual.

El a agrega cu Epstein a abusa di dje cu forsa ora cu apenas e tabatin 15 aña di edad, el a suplica y pidi pa stop, pero nunca a stop. Ta wardando comentario di abogado defensor di Epstein pa e acusacion di Araoz.

Epstein ta declara su mes inocente di cargo di traficacion sexual, su abogado a bisa den e huicio cu acusacion no por constitui den un violacion legal pa motibo cu no tabatin penetracion.

 

LEAVE A REPLY

Please enter your comment!
Please enter your name here