Ainda poco desunion entre chauffeurnan di truck

Minister di Infrastructura Benny Sevinger

Minister di Infrastructura Benny Sevinger a declara ayera durante un rueda di prensa cu tur hende por sigura cu nan lo haya trabao en cuanto ta desaroyo di Watty Vos Boulevard. Parti di grupo di chauffeur a entrega nan lista di ekipo ayera anto otro parti di e grupo a haci peticion pa duna nan cinco dia mas.

“Nos ta poco dividi ainda”, ta e comentario cu Bon Dia Aruba ta ricibi for di un di e chauffeurnan cu a manifesta siman pasa contra trucknan cu a bin di afo. E siguiente stap awo ta pa tur hende entrega nan lista di material/ekipo pa demostra cu esakinan ta na Aruba. Un parti di e grupo a traha un carta pa DOW duna nan cinco dia mas pa pone tur cos na ordo pa wak si por negocia algo. E chauffeur cu kier keda anonimo ta bisa: “E punto di e caso ta cu nan no kier paga pa e ekiponan. Nan kier pone nan mesun prijs. Ken kier bay traha cu e prijs cu nan kier paga? E ekiponan ey cu nan a pidi no mester drenta.”

E ta bisa cu no tin ningun sindicato ainda tampoco cu a bin purba remedia e situacion. Ayera tabata tin un reunion 5or unda cu mayoria compania local grandi caba a bay entrega nan lista di material.
Esaki pa por drenta di biaha den negociacion cu e contratista pa e trabao.
“Aworaki pa mi tur cos a dividi y para te awe. Nos a cuminsa den bon caminda y awo cos a keda na mita.”

Minister Sevinger a indica ayera cu a papia cu directiva di Mota Engil cu ta e contratista principal di Watty Vos Boulevard. Segun e ‘nan a demostra di ta dispuesto pa pone nan ekipo un banda y uza e ekipo di companianan local te unda cu por’. “Mescos cu a sosode cu Green Corridor caminda varios compania local a haya contract, mescos lo sosode cu e proyecto aki.”

Ora di Destaho Publico, e mandatario ta splica, semper ta pone un ‘provision ora di proyectonan grandi manera di Green Corridor y Watty Vos Boulevard pa duna preferencia na trahadonan local’. “Pa loke ta material no ta pone ningun specificacion, pasobra cualkier compania cu gana un bid mester tin su mesun ekipo y esey semper ta e caso. Di otro banda, si haci uzo di sub contratista den e proyectonan, nan tambe mester dispone di nan ekipo pisa.”

You May Also Like

Casonan di difteria na Venezuela ta bati bel cerca nos

E casonan reciente di difteria detecta den e pais bisiña di  Venezuela ta bati bel ...

‘No por core trankil pa motibo cu trahadonan ta keda molestia’

ORANJESTAD – Den oranan di mainta, tin personanan ta core na e caminda pa ...

Caso PDR ta den proceso ainda

Cuminsamento di e aña aki arena politico a cuminsa cu yen movecion, entre nan ...

parke marino

Ainda no a bin cu cambio riba ley pa parke marino

Vice presidente y secretario di Aruba Marine Park, sr. Castro Perez a declara na ...

Minister: Zwangerschapverlof no ta considera como vakantie

Recientemente Conseho di Minister a aproba e proposicion cu minister Michelle Hooyboer-Winklaar di Enseñansa ...

Tiara-air.jpg

Empleadonan ta perde caso contra Insel Air Aruba

Sentencia den caso di Insel Air a tuma luga diaranson unda cu corte ta rechasa ...