This cover image released by Grade A/Interscope shows "Legends Never Die," a release by the late rapper Juice WRLD. The 21-track album set several records when it debuted at No. 1 on the Billboard 200 albums chart this week. With 497,000 equivalent albums sold, based on digital sales and streams, “Legends Never Die" marks the biggest posthumous debut in 23 years since Tupac and Notorious B.I.G. posthumously released albums in 1997. (Grade A/Interscope via AP)

E prome album postumo di rapper Juice WRLD, ‘Legends Never Die’, ta na bida riba chartnan musical.

E album di 21 cantica a kibra varios record ora cu a debuta na No. 1 riba e chart Billboard 200 e siman aki. Cu ekivalente di 497mil album bendi, basa riba benta digital y streaming, ‘Legends Never Die’ ta marca a debut postumo di mas grandi den 23 aña desde e albumnan postumo di Tupac y B.I.G na 1997.

A lansa ‘Legends Never Dia’ dia 10 di juli. Juice WRLD, naci Jarad Anthony Higgins, a fayece di un sobredosis accidental di oxycodone y codeine na Chicago na december.

E album tambe a logra e benta mas grandi den un solo siman pa cualkier album lansa e aña aki. E album a genera e siman mas grandi pa streaming den 2020, esun di cuatro mas grandi pa un album den historia.

Cinco cantica di ‘Legends Never Die’ a debuta den top 10 di e chart Hot 100 e siman aki, incluyendo ‘Come & Go’(No. 2); ‘Wishing Well’ (No. 5); ‘Conversations’ (No. 7); ‘Life’s a Mess’ (No. 9); y ‘Hate the Other Side” (No. 10). Juice WRLD ta converti den apenas e di tres artista pa bay cu cinco di e puestonan den top 10 den un solo siman, tras di Drake y The Beatles.

“E amor abrumante cu miyones di fanatico di musica claramente tin pa Jarad ta recorda nos con hopi su palabranan poetico, creatividad y luz briyante ta sigui briya a traves di mundo”, mama di Juice WRLD, Carmela Wallace, y e diskera Grade A a bisa den un declaracion. “E prome coleccion di cantica aki ta un recordatorio di su tremendo talento artistico y honestidad emocional. Musica tabata su pasion y graba a dun’e e forma pa comparti tur locual e tabata atravesando.”

‘Legends Never Die’, e tercer album di studio di e musico, ta conta cu colaboracion di Halsey, Marshmello, Trippie Red y Polo G. El a lansa varios hit certifica platinum, incluyendo ‘Lucid Dreams’, cual a yega No. 2 riba e chart Hot 100 di Billboard na 2018.

A lansa e album nobo riba Grade A y Interscope Records, dunando e label Universal seis di e puestonan top 10 den e chart Hot 100, danki na exito di Juice WRLD y ‘Rockstar’ di DaBaby, cual ya tin seis siman den top.