Annelot Muijers ta traha na Aruba como Lactation consultant, yudando famianan cu un di e partinan mas importante y natural di cria yiu: duna pecho. Pero den su tempo liber e ta continua dedicando na yuda famianan na Aruba. El a lanta e fundacion Ajudo na Aruba pa atende cu e necesidad di centenares di famia cu mester ayudo di cuminda.

Awe ta Dia Internacional di Hende Muhe. Bon Dia Aruba a acerca varios muhe inspirador y poderoso den nos comunidad pa haya sa un tiki mas di e realidad cu e ser femenino ta experimenta riba nos isla dia pa dia.

 

Con bo ta balansa bo trabao cu bo bida personal?
Afortunadamente mi tin un esposo maraviyoso cu ta encarga di nos yiu di 5 aña tur ora cu mi no por. Nos tin un tremendo team hunto pa varios aña caba. Mi responsabilidad pa mi famia ta esun di mas importante y ami ta plan tur cos rond di esey.

 

Bo ta haya cu hende muher den bo profesion ta haya dificultad pa wordo promovi?

 

Desafortunadamente, e profesion ‘lactation consultant’ no ta reconoci pa nos gobierno local ainda, pues pa hopi, e ta desconoci riba e isla. Na Europa nos ta mira un tendencia di aumento den Lactation Consultant y nos no por ta mas feliz pa esaki. Nos ta duna cuido preventivo na tur mama pa lo mas natural na mundo: duna pecho.

Ken ta inspira bo y dicon?
Mi yiu a inspira mi ora mi a duna luz na dje, casi seis aña atras. El a trece mi back na confia mi instinto natural y a laga mi yuda mayornan cu un comienso nobo den nan bida. Mi tabata un miembro di MT combina cu coach y training di empleadonan pa hopi aña den un industria comercial, y mi a cambia mi profesion despues di e parto, pero no mi talento.

 

Kico ta e conseho cu bo persona lo duna na e siguiente generacion di mucha muhenan lider?
No laga nada influencia bo. Haci bo cos. Traha duro, hunga duro (‘work hard, play hard’). Sigui bo soñonan y sigui lucha pa nan tur dia. Bo por haci tur loke bo kier si bo propone bo mes. Trabao duro nunca a mata niun hende, pues sigui traha. Miho pa subi cama anochi cansa di traha, cu cansa di haci nada!

Bo a yega di experiencia resistencia ora cu bo a lidera un grupo di hende homber?
No, no en absoluto. Hombernan gusta traha cu mi of pa mi, mayoria di tempo. Mi ta hopi directo, organisa y ta traha duro; y e toke femenino ta djis un herment adicional cu mi por usa pa defini mi trabao.

Kico ta bo conseho pa e hende muhe hoben drentando den un profession lidera pa hende homber?

Semper corda, bo ta mesun bon cu cualkier homber cu lo haci e mesun trabao. Usa bo encanto, crea conexion, y nunca bo lo sinti intimida. Sea claro, no laga emocionnan domina bo pensamento racional.  

Unda nan lo por hayabo riba un diasabra 10or di mainta?
Na FANA, Fundacion Ajudo na Aruba, den nos bodega paketando centenares di caha di cuminda pa famianan den necesidad.

LEAVE A REPLY

Please enter your comment!
Please enter your name here