U.S. Attorney Richard P. Donoghue announces charges against Aventura Technologies, Thursday, Nov. 7, 2019, in the Brooklyn borough of New York. The New York company has been charged with illegally importing and selling Chinese-made surveillance and security equipment to U.S. government agencies and private customers. (AP Photo/Mark Lennihan)

Un compania di Long Island a bende miles di miyon di dollar na ekipo di vigilancia y otro siguridad sensitivo traha na China na clientenan, incluyendo ehercito Mericano pa uza riba carrier di aeronave, door di bisa falsamente cu e productonan tabata fabrica na Merca, segun fiscal federal a bisa diahuebs.

E fraude cu fiscal ta acusa Aventura Technologies Inc. di a comete, ta lanta un ‘preocupacion grave’ tocante siguridad cibernetico, segun fiscal Richard Donoghue.

Maske no tabatin acusacion di violacion involucrando gobierno Chines, e-mailnan y otro evidencia di e investigacion a demostra cu ‘individuonan na China tabata na altura di kico tabata pasando’, segun Donoghue.

E ekipo traha na China y bendi pa Aventura ‘como supuestamente traha na Merca, ta instala den decenas di base di ehercito, marina y forsa aereo, facilidadnan di departamento di energia, y entre otro, riba carrier di avion di marina’, fiscal a bisa den e acusacion criminal. Di e $88 miyon cu Aventura a gana desde 2010, $20 miyon tabata di contract di gobierno federal, primintiendo cu lo provee unicamente productonan fabrica na Merca, nan a bisa.

Fiscal ta acusa e compania di un encubrimento involucrando re-labeling di su productonan pa bisa cu e tabata traha na un planta Mericano. Tambe a circula un potret cu un ehecutivo di Aventura, Jack Cabasso, a mustra e linea di asemblahe di e compania, pero realmente tabata un imagen di trahadonan na un facilidad Chines, segun e demanda.

Aña pasa, Cabasso a e-mail un empleado di un fabricante Chines, insistiendo riba e necesidad di tuma stapnan pa sigura cu no por track nan productonan, segun fiscal. El a skirbi cu ‘e problema di mas grandi’ ta cu clientenan lo por nota e inicial di e compania riba circuit board y a pidi pa sconde esakinan.

E schema a cuminsa cay den otro despues cu e compania a bende 25 body camara na Forsa Aereo Mericano, analistanan di siguridad a descubri imagennan download den nan incluyendo un logo di Ministerio di Siguridad Publico Chines riba e aparatonan, segun e demanda. Un analisis di software a revela indicacion cu e fabricante di e camara na China ‘tabata na altura cu Forsa Aereo Mericano tabata e usuario final pa e camara’.

Shete empleado actual y den pasado di Aventura, incluyendo Cabasso y otro miembronan di management, a keda acusa di conspiracion pa comete fraude. Gobierno tambe a congela cuentanan di banco y tuma den beslag un yate di 70 pia cu a bisa ta di Cabasso y su esposa.

E website di e compania ta gaba di tin ‘un reputacion como un innovador den diseño, desaroyo y manufactura di hardware, software y productonan di siguridad pa gobierno, militar y empresa desde 1999’.

 

LEAVE A REPLY

Please enter your comment!
Please enter your name here