Area di hotel grandi lo conoce parkeer meter te otro aña

ORANJESTAD – Te otro aña parkeer meter ta cuminsa funciona den e area hotelero. Minister di Transporte, sr. Otmar Oduber a declara cu el a pidi e compania encarga cu e sistema aki, esta Aruparking  pa cuminsa un serie di deliberacion cu diferente hotel. El a bisa cu e responsabilidad prome ta keda cerca na e doño di trabou pa percura pa nan trahadonan tin luga pa parkeer. E combersacion aki mester tuma luga prome cu nan ta cuminsa cu e sistema aki den e zona di hotel grandi.  E ta kere cu tempran den e prome kwartaal di 2016, e introduccion di parkeer meter den e area hotelero lo tuma luga.

Mehora infrastructura 

Tambe e infrastructura den e area mester wordo mehora. El a bisa cu nan tin un plan hunto cu su colega di infrastructura, sr. Benny Sevinger pa bay restaura full e area di e hotelnan grandi. 
E trabou aki ta inclui e caminda, sistema di riool, sitio di parkeer y iluminacion. E ta un proyecto cu ta wordo haci hunto cu oficina di turismo ATA haciendo uzo di e fondo destina pa drechamento di infrastructura turistico cu e instancia aki tin. Aunke parti di e proyecto aki a cuminsa caba e aña aki, cu e adkision di diferente material cu ta necesario y otro aña esaki lo wordo ehecuta. 

Informacion pa turista 

Encuanto informacion suministra na e turistanan  riba e sistema di parkeer meter, e mandatario a laga sa cu borchi a wordo instala tur caminda tambe na Ingles pa tur hende por compronde. 
Nan ta ocupa pa bin cu un poster tambe pa informa e turista y tambe reparti flayer den aeropuerto. E idea tambe ta pa e car rental bin cu un sticker den auto cu informacion tocante e parkeer meter.    
Di e forma aki e turista ta mas consciente riba unda nan mester paga y na unda no meter paga pa parkeer. Director di Arubus, sr. Theo Croes a bisa cu riba nan  website.